Dinamalar

மாஸ்டர் - ஒரு வாரத்தில் 150 கோடி வசூல்?

லோகேஷ் கனகராஜ் இயக்கத்தில், அனிருத் இசையமைப்பில், விஜய், விஜய் சேதுபதி, மாளவிகா மோகனன் மற்றும் பலர் நடித்த 'மாஸ்டர்' படம் பொங்கலை முன்னிட்டு கடந்த வாரம் ஜனவரி 13ம் தேதி வெளியானது.

படத்தின் முதல் நாள் தமிழ்நாடு வசூல் 25 கோடி என தயாரிப்பு நிறுவனமே அதிகாரப்பூர்வமாக அறிவித்தது. ஆனால், அதன்பின் வசூல் விவரங்களை வெளியிடவில்லை. வினியோக வட்டாரங்களில் விசாரித்ததில் மூன்று நாட்களில் 100 கோடி வசூலித்ததாகத் தகவல்கள் வெளியாகின. அது உலக அளவிலான வசூல். தமிழ்நாட்டில் மட்டும் முதல் வார இறுதியில் 75 கோடி வசூலை வசூலித்ததாகச் சொன்னார்கள்.

இப்போது ஒரு வாரத்தில் 150 கோடி வசூலித்துவிட்டதாகத் தகவல் வெளியாகி உள்ளது. தியேட்டர்கள் திறக்கப்பட்ட வெளிநாடுகளில் கூட படத்திற்கு ரசிகர்களிடம் நல்ல வரவேற்பு கிடைத்ததாகச் சொன்னார்கள்.

கொரோனா தளர்வுகளுக்குப் பிறகு தியேட்டர்கள் திறக்கப்பட்ட பின் இரண்டு மாதங்களாக வராத மக்கள் 'மாஸ்டர்' படத்திற்காக விஜய்க்காகவே வந்தார்கள் என தியேட்டர்காரர்கள் மகிழ்வுடன் இருக்கிறார்கள். படத்தைத் தியேட்டர்களில் மட்டுமே வெளியிட வேண்டும் என்ற விஜய்யின் முடிவுக்கு அவர்கள் தங்களது நன்றிகளைத் தெரிவித்து வருகிறார்கள்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்