Dinamalar

இந்திய டீசர்/டிரைலர்களில் முதலிடத்தைப் பிடித்த 'கேஜிஎப் 2'

பிரஷாந்த் நீல் இயக்கத்தில், யஷ், ஸ்ரீநிதி ஷெட்டி, சஞ்சய் தத், ரவீனா டான்டன் மற்றும் பலர் நடிக்கும் 'கேஜிஎப் சேப்டர் 2' படத்தின் டீசர் சில தினங்களுக்கு முன்பு யு டியூப் தளத்தில் வெளியிடப்பட்டது.

தொடர்ந்து பல சாதனைகளைப் புரிந்து வந்த இந்த டீசர் தற்போது ஒரு பெரும் சாதனையை மிகக் குறுகிய காலத்தில் நிகழ்த்தியுள்ளது. இந்தியத் திரைப்படங்களிலேயே அதிக பார்வைகளைப் பெற்ற டீசர் மற்றும் டிரைலர்களில் முதலிடத்தைப் பிடித்து புதிய சாதனை ஒன்றைப் படைத்துள்ளது.

இதற்கு முன்பு இந்தியப் படங்களில் ஹிருத்திக் ரோஷன், டைகர் ஷெராப் மற்றும் பலர் நடித்து 2019ல் யு டியூபில் வெளியான 'வார்' படத்தின் டிரைலர் 126 மில்லியன் பார்வைகளைப் பெற்றதுதான் இதுவரையிலான சாதனையாக இருந்தது.

அந்த சாதனையை நான்கு நாட்களுக்குள்ளாகவே முறியடித்துள்ள 'கேஜிஎப் 2 டீசர்'. தற்போது 128 மில்லியன் பார்வைகளைக் கடந்துள்ள இந்த டீசர், 6.5 மில்லியன் லைக்குகளையும், 50 லட்சத்திற்கும் மேற்பட்ட கமெண்ட்டுகளையும் பெற்றுள்ளது.

'கேஜிஎப் 2' டீசரே இந்த அளவிற்கு சாதனையைப் படைத்துள்ளது என்றால் அடுத்து படத்தின் டிரைலர் வெளிவந்தால் அது எந்த அளவிற்கு சாதனையைப் படைக்கும் என கன்னடத் திரையுலகினர் பெரும் மகிழ்ச்சியை அடைந்துள்ளனர்.

டீசருக்குக் கிடைத்த வரவேற்பை அடுத்து இப்படத்தின் வினியோக வியாபாரம் பெருமளவில் நடக்கும் என்று எதிர்பார்க்கப்படுகிறது. இரண்டாம் பாகத்தில் ஹிந்தி நடிகர் சஞ்சய் தத், நடிகை ரவீனா டான்டன் ஆகியோர் நடித்துள்ளதால் வட இந்தியாவில் முதல் பாகத்தை விட இரண்டாம் பாகத்திற்கு மிக அதிகமான தியேட்டர்கள் கிடைக்க வாய்ப்பு ஏற்பட்டுள்ளது.

இந்திய அளவில் முதலிடத்தைப் பிடித்துள்ள 'கேஜிஎப் 2' டீசரின் இந்த பெரும் சாதனைக்கு படக்குழுவினர் மகிழ்ச்சி தெரிவித்துள்ளனர்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  ஒரே மாதத்தில் திரைக்கு வரும் கிர்த்தி ஷெட்டியின் மூன்று படங்கள்
• 
  100 பேர் வந்தாலும்....! பிரதீப் ரங்கநாதனின் 'டியூட்' படத்தின் டிரைலர் ...
• 
  இம்மாதத்தில் ஓடிடியில் வெளியாகும் 'லோகா, இட்லிகடை'
• 
  500 கோடி வசூலை நோக்கி 'காந்தாரா சாப்டர் 1'
• 
  அரசன் படத்தின் புதிய அப்டேட் : சுதீப் இணைய வாய்ப்பு