Dinamalar

பணம் தேவைப்பட்டது; கட்டாயத்தால் நடிக்க வந்தேன்: இயக்குனர் அனுராக் காஷ்யப்

ஹிந்தியில் வித்தியாசமான படங்களை இயக்கி பிரபலமானவர் அனுராக் காஷ்யப். ஹிந்தி, தமிழ் உள்ளிட்ட சில படங்களில் நடித்தும் இருக்கிறார். இவரின் ஒவ்வொரு படமும் வெவ்வேறு கதைக்களத்தில் வித்தியாசமான படைப்புகளாக இருக்கும். அந்த வகையில், அவரது அடுத்த படமாக 'நிஷான்சி' எனும் படத்தை இயக்கியுள்ளார். நாளை (செப்.,19) ரிலீசாகிறது. இதன் புரமோஷன் நிகழ்ச்சிகளில் தற்போது அனுராக் பிஸியாக உள்ளார்.

புரமோஷன் நிகழ்ச்சியில் அனுராக் காஷ்யப் கூறியதாவது: நிஷான்சி திரைப்படம் பப்ளூ, டப்ளூ எனும் இரண்டு சகோதரர்களைப் பற்றிய கதை. ஒருவர் குற்றவாளி, மற்றொருவர் இன்ஜினியர். இந்த கதை 1986ல் துவங்கி, 2016ல் முடிவடைகிறது. 70களின் சினிமா ஞாபகங்களை தூண்டும் வகையில் காட்சியமைப்புகள் இடம்பெற்றுள்ளன.

ஆயிஷ்வரி தாக்கரே அற்புதமான நடிகர். இந்த படத்தில் இரட்டை வேடத்தில் நடித்துள்ளார். அது மிகவும் சவாலானது. இரண்டு கதாபாத்திரங்களையும் சிறப்பாக செய்துள்ளார். நான் சினிமா துறையில் வந்ததிலிருந்து, இதுவரை நான் பார்த்த சிறந்த அறிமுகங்களில் இவரும் ஒருவர். முதல் படத்திலேயே இப்படியான கனமான நடிப்பை காண்பது அபூர்வம்.

நான் பெங்களூருக்கு குடிபெயர்ந்தது பற்றி கேட்கிறீர்கள். பெரிய நகர வாழ்க்கை எனக்கு பெரிதாக ஒன்றும் தெரியவில்லை. அமைதியான சூழல் எழுதுவதற்குத் தேவைப்பட்டது. அதனால் தான் பெங்களூருக்கு வந்தேன். நிஷான்சி படத்தின் முழு எழுத்தும் நான் பெங்களூருவில் தான் எழுதினேன். இங்குள்ள சூழல் அமைதியாக இருக்கிறது.

நடிப்பு

இயக்கத்தில் இருந்து நடிப்புக்கு வந்தது பற்றி கேட்கிறீர்கள். நடிப்பு என் விருப்பத்தால் வந்தது அல்ல, கட்டாயத்தால் வந்தது. ஒரு கட்டத்தில் நான் மன அழுத்தத்தில் இருந்தேன். அதே சமயம் என் மகள் திருமணம் செய்ய விரும்புவதாக சொன்னாள். தந்தையாக என் கடமை அதை ஆதரிப்பது. ஆனால் அந்த சமயத்தில் என்னிடம் போதுமான பணம் இல்லை. இயக்குனராக சம்பாதிக்கவே சில ஆண்டுகள் தேவைப்படும்; ஆனால் ஒரு நடிகராக இருந்தால் ஒரு மாதத்திலேயே சம்பாதித்துவிடலாம். அதனால் தான் நடிக்க துவங்கினேன்; நடிப்பு, இயக்கம் இரண்டையும் செய்தேன். அப்போதுதான் ஒரு நடிகர் எவ்வளவு கடுமையாக உழைக்கிறார் என்பதை உணர்ந்தேன். இவ்வாறு அவர் பேசினார்.

• 
  சர்தார் 2 படத்தின் ரிலீஸ் தேதி குறித்து புதிய தகவல்
• 
  துருவ் விக்ரமுக்கு வாழ்த்து சொன்ன அனுபமா பரமேஸ்வரன்
• 
  மீண்டும் படம் இயக்கும் தம்பி ராமையா மகன் உமாபதி
• 
  'காந்தா சாப்டர் 1 டிரைலர்' : கன்னடத்தை விட ஹிந்தியில் அதிக வரவேற்பு
• 
  கர்நாடகா சினிமா டிக்கெட் : நீதிமன்றம் இடைக்காலத் தடை

• 
  தாய்மையை அறிவித்த கத்ரினா கைப்
• 
  மோடியாக நடிக்கும் உன்னி முந்தனுக்கு உடனடியாக ஹிந்தியில் ஒப்பந்தமான ...
• 
  மோகன்லாலுக்கு மலையாளத்தில் வாழ்த்து தெரிவித்த அமிதாப்பச்சன்
• 
  'லடாக்' படப்பிடிப்பில் சல்மான்கானின் காயம் ; படப்பிடிப்பு தற்காலிக ...
• 
  பத்மஸ்ரீ விருதை விட சல்மான்கான் படத்தை இயக்கியது தான் பெரிய சாதனை ; ...