Dinamalar

அமெரிக்காவில் முன்னதாகவே திரையிடப்படும் 'கூலி'

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், நாகார்ஜுனா, ஸ்ருதிஹாசன் மற்றும் பலர் நடிப்பில் ஆகஸ்ட் 14ம் தேதி வெளியாக உள்ள படம் 'கூலி'. இப்படத்திற்கான அமெரிக்கா முன்பதிவு கடந்த வாரம் ஆரம்பமாகி விறுவிறுப்பாக நடைபெற்று வருகிறது. பிரிமியர் காட்சிகளுக்கான முன்பதிவுகளும் நடந்து வருகிறது.

அங்கு அமெரிக்க நேரப்படி ஆகஸ்ட் 13ம் தேதி மாலை 6.30 மணிக்கே பிரிமியர் காட்சிகளை நடத்திக் கொள்ள தயாரிப்பு நிறுவனம் அனுமதி வழங்கியுள்ளதாக அங்கு படத்தை வெளியிடும் வினியோக நிறுவனம் அதிகாரப்பூர்வமாக அறிவித்துள்ளது. அந்த நேரம் இந்திய நேரப்படி ஆகஸ்ட் 14ம் தேதி அதிகாலை 4 மணி.

இந்தியாவில் முதல் காட்சி காலை 9 மணிக்கு ஆரம்பமாவதுதான் கடந்த மூன்று வருட வழக்கமாக உள்ளது. தற்போது அமெரிக்காவில் இந்திய நேரத்தை விட முன்னதாகவே அனுமதி அளித்துள்ளார்கள். எனவே, இந்தியாவிலும் முதல் காட்சி அதிகாலை 5 மணிக்கு இருக்குமா என ரஜினி ரசிகர்கள் எதிர்பார்க்கிறார்கள். இங்கு அதிகாலை காட்சிகளுக்கு அனுமதி அளிக்கப்படுவதில்லை. கடந்த மூன்று வருடங்களாக முன்னணி நடிகர்களின் படங்களுக்கு வழங்கப்படாத அனுமதி 'கூலி' படத்திற்கு மட்டும் வழங்கப்படுமா என்பது தெரியவில்லை. அப்படியே வழங்கினாலும் அது சர்ச்சையை ஏற்படுத்த வழி வகுக்கும்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்