பிளாஷ்பேக் : நயன்தாராவை கவர்ச்சி களத்தில் தள்ளிய கள்வனின் காதலி - Flashback The thiefs girlfriend who seduced Nayanthara

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பிளாஷ்பேக் : நயன்தாராவை கவர்ச்சி களத்தில் தள்ளிய 'கள்வனின் காதலி'

12 ஜூலை, 2025 - 03:29 IST

எழுத்தின் அளவு:

Flashback-The-thiefs-girlfriend-who-seduced-Nayanthara

டி.வியில் குழந்தைகள் நிகழ்ச்சியில் பங்கேற்று வந்த நயன்தாரா 2003ம் ஆண்டு 'மனசிலக்கரே' என்ற படத்தின் மூலம் சினிமாவில் கால்பதித்தார். அதன்பிறகு சில மலையாள படங்களில் நடித்திருந்த நிலையில்தான் இயக்குனர் ஹரி தனது 'ஐயா' படத்தின் மூலம் தமிழில் அறிமுகப்படுத்தினார். அதில் அவர் சரத்குமார் ஜோடியாக நடித்தார்.

அதன்பிறகு 'சந்திரமுகி' படத்தில் அவர் நடித்தது பெரிய கேரக்டர் இல்லை என்றாலும் ரஜினி ஜோடி என்பது அவரது பலமாக இருந்தது. பிறகு நடித்த 'கஜினி' படம் அவருக்கு பெரிதாக உதவவில்லை. சாதாராண மருத்துவ கல்லூரி மாணவியாக நடித்தார்.

இனி இப்படியோ போனால் வேலைக்கு ஆகாது என்று நயன்தாரா கவர்ச்சியாக நடிக்க துணிந்தார். இதன் முதல் கட்டமாக 'சிவகாசி' படத்தில் கவர்ச்சி ஆட்டம் ஆடினார். அடுத்து அவர் எஸ்.ஜே.சூர்யா நடித்த 'கள்வனின் காதலி' படத்தின் மூலம்தான் முழுமையான கவர்ச்சிக்கு மாறினார். இந்த படத்தின் இயக்குனர் தமிழ்வண்ணன் என்றாலும், இது எஸ்.ஜே.சூர்யா படமாகவே பார்க்கப்படுகிறது.

இந்த படத்தில் எஸ்.ஜே.சூர்யாவும், நயன்தாராவும் ஒரே பேண்டை அணிந்து நின்ற காட்சி பெரிய பேனர்களாக வைக்கப்பட்டு படத்திற்கு பரபரப்பு கூட்டினர். பின்னர் படத்தில் நயன்தாராவும், எஸ்.ஜே.சூர்யாவும் நெருக்கமாக நடித்த காட்சிகள் பரபரப்பாகின. இந்த படம் பெரிய அளவில் வரவேற்பை பெறவில்லை என்றாலும் நயன்தாரா கேரியரில் முக்கியமான படமானது.

தற்போது இந்த படத்தை நவீன தொழில் நுட்பத்தில் ரீ ரிலீஸ் செய்ய ஏற்பாடுகள் நடந்து வருகிறது.

kalvaninkadhali

SJSuryah

Nayanthara

கருத்துகள் (0) கருத்தைப் பதிவு செய்ய

'பெத்தி' படத்தில் சிவராஜ் குமார் ...

சூர்யா சேதுபதியின் வாழ்க்கையில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய