Dinamalar

மம்முட்டியை விட கிரேஸ் ஆண்டனிக்கு கதை சொல்ல தான் அதிக நேரம் பிடித்தது : இயக்குனர் ராம்

பேரன்பு திரைப்படத்தைத் தொடர்ந்து கிட்டத்தட்ட ஏழு வருடங்களுக்கு பிறகு ராமின் டைரக்ஷனில் தற்போது வெளியாகியுள்ள படம் பறந்து போ. மிர்ச்சி சிவா கதாநாயகனாக நடித்துள்ள இந்த படத்தில் அஞ்சலி ஒரு கதாநாயகியாகவும், மலையாள திரை உலகை சேர்ந்த நடிகை கிரேஸ் ஆண்டனி இன்னொரு கதாநாயகியாகவும் நடித்துள்ளனர். இந்த படம் மூலம் கிரேஸ் ஆண்டனி தமிழுக்கு வந்துள்ளார். இவர் மலையாளத்தில் சின்ன சின்ன வேடங்களில் நடித்து 2021ல் நிவின்பாலி ஜோடியாக நடித்த கனகம் காமினி கலகம் என்கிற படத்தின் மூலம் கவனிக்கப்பட்டார். அதன் பிறகு மம்முட்டியுடன் ரோஷாக், ஜீத்து ஜோசப் டைரக்ஷனில் உள்ளிட்ட படங்களில் கதாநாயகியாக நடித்துள்ளார். தற்போது பறந்து போ படத்தில் இவரது நடிப்புக்கு மிகப்பெரிய பாராட்டுக்கள் கிடைத்து வருகின்றன.

சமீபத்திய பேட்டி ஒன்றில் இயக்குனர் ராம், கிரேஸ் ஆண்டனி குறித்து கூறும்போது, “இந்த படத்தில் நடித்த சிவாவுக்கு 4 நிமிடத்தில் கதை சொன்னேன். மலையாள நடிகரான அஜூ வர்கீஸுக்கு ஒரு நிமிடம் சொன்னதுமே அவர் ஒகே என்று சொல்லிவிட்டார்.. அவ்வளவு ஏன் மம்முட்டிக்கு கூட பேரன்பு படத்தின் கதையை ஐந்து நிமிடத்திலேயே சொல்லி விட்டேன். ஆனால் கிரேஸ் ஆண்டனிக்கு இந்த கதையை சொல்ல எனக்கு 20 நிமிடம் பிடித்தது. அந்த அளவுக்கு விலாவாரியாக கேட்டுக் கொண்டார். ஆனால் படப்பிடிப்பில் அவர் தொடர்ந்து நடிப்பதை பார்த்தபோது அவருக்கு இன்னும் சில காட்சிகளை கூடுதலாக சேர்க்கலாமோ என்று கூட எண்ணம் தோன்றியது. அந்த அளவுக்கு அவரது நடிப்பால் நான் கவரப்பட்டேன்” என்று கூறியுள்ளார்.

இந்த படத்தில் கிரேஸ் ஆண்டனி குறித்த ஆச்சரியமான விஷயம் என்னவென்றால் படத்தில் அஞ்சலி ஜோடியாக நடித்துள்ள நடிகர் அஜூ வர்கீஸும் இவரும் கடந்த வருடம் ஜீத்து ஜோசப் டைரக்ஷனில் நுணக்குழி படத்தில் இணைந்து ஜோடியாக நடித்திருந்தனர். இந்த பறந்து போ படத்தின் மூலம் இருவரும் ஒன்றாகவே தமிழ் திரை உலகில் அறிமுகமாகி இருக்கின்றனர்.

• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்

• 
  டாக்டர் ஆக ஆசைப்பட்ட ஹீரோயின்
• 
  அமானுஷ்ய படத்தில் நட்டி : வரலாற்று பின்னணியில் உருவாகும் ‛நீலி'
• 
  ஜூலை 4ல் 7 படம் ரிலீஸ்... எந்த படம் ஓடுது
• 
  சினிமாவில் நடக்கும் அநியாயங்களை பேசியதால் வாய்ப்பில்லை, சமையல் செய்து ...
• 
  பிளாஷ்பேக் : 40 ஆண்டுகளுக்கு முன்பே நடிகரான கஸ்தூரி ராஜா