Dinamalar

போதைப்பொருள் பயன்படுத்த மாட்டேன் ; அபிடவிட் கேட்கும் கேரள தயாரிப்பாளர் சங்கம்

சமீப காலமாகவே மலையாள திரையுலகில் போதை பொருள் பயன்பாடு குறித்து பல்வேறு விதமான செய்திகள் வெளியாகி வருகின்றன. கடந்த வருடம் வெளியான ஹேமா கமிஷன் அறிக்கையில் கூட மலையாள திரை உலகில் போதைப் பொருளின் தாக்கம் பல வருடங்களாக இருப்பதை உறுதி செய்து இருந்தது.. சமீபத்தில் கூட பிரபல வில்லன் நடிகரான ஷைன் டாம் சாக்கோ மற்றும் இன்னொரு நடிகரான ஸ்ரீநாத் பாசி ஆகியோர் படப்பிடிப்பு தளத்திலேயே போதைப்பொருள் பயன்படுத்திய குற்றச்சாட்டுக்கு ஆளானார்கள்.

இந்த நிலையில் கேரளா தயாரிப்பாளர்கள் சங்கம் அதிரடியாக ஒரு முடிவை எடுத்துள்ளது. அதன்படி இனிமேல் படங்களில் ஒப்பந்தம் செய்யப்படும் நட்சத்திரங்கள் மற்றும் தொழில்நுட்ப கலைஞர்கள் அனைவரிடமுமே சம்பளத்திற்கான ஒப்பந்தம் போடப்படும் போது, சம்பந்தப்பட்ட நபர்கள் நான் போதைப்பொருள் பயன்படுத்த மாட்டேன் என்கிற வாக்குமூலத்தையும் ஒரு அபிடவிட்டாக எழுதிக்கொடுக்க வேண்டும் என்பதை ஒரு தீர்மானமாக கொண்டு வந்துள்ளனர்.

மலையாள நடிகர் சங்கமான அம்மாவுக்கும் கேரள திரைப்பட தொழிலாளர் சம்மேளனத்திற்கும் இது குறித்து கடிதம் அனுப்பி உள்ளதாகவும் தெரியவந்துள்ளது. குறிப்பாக படத்தில் நடிக்கும் துணை நடிகர்கள் வரை இந்த அபிடவிட் கொடுத்துவிட்டு தான் படத்தில் பணியாற்ற வேண்டும் என தயாரிப்பாளர்கள் சங்கம் உறுதியாக இருப்பதாக தெரிகிறது. ஆனால் நடைமுறையில் இது எந்த அளவுக்கு சாத்தியமாகும் என்பதை பொறுத்திருந்து தான் பார்க்க வேண்டும்.

• 
  சுதந்திர போராட்ட வீரர்களை போற்றும் 'பஹேலி கீத் 2' பாடல்: முகேஷ் கன்னா ...
• 
  திரிஷ்யம்-2 தயாரிப்பாளர் மீது பண மோசடி வழக்கு ; தள்ளுபடி செய்ய ...
• 
  வார் 2 படத்தில் சர்ப்ரைஸ் பாடல்
• 
  3 மணி நேரம் ஓடப் போகும் 'வார் 2'
• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்

• 
  இயக்குனர் மீது பொய் வழக்கு ; நடிகையை தொடர்ந்து அவரது வழக்கறிஞரும் கைது
• 
  ஸ்வேதா மேனன் மீதான வழக்கை நிறுத்தி வைத்து உத்தரவிட்ட உயர்நீதிமன்றம்
• 
  ஸ்வேதா மேனன் மீது எப்ஐஆர் பதிவு ; நடிகர் சங்கத் தேர்தலில் போட்டியிட ...
• 
  இதுவே உங்கள் மகளாக இருந்தால் என்ன செய்வீர்கள் ? மம்முட்டியிடம் கேள்வி ...
• 
  அடூர் கோபாலகிருஷ்ணன் மன்னிப்பு கேட்க வேண்டும் ; பின்னணி பாடகர் சங்கம் ...