Dinamalar

படத்தில் நடிக்கும் அனைவருக்கும் 'ஸ்கிரிப்ட்' கொடுக்க வேண்டும்: விக்ரம் பிரபு வேண்டுகோள்

அஸ்யூர் பிலிம்ஸ் மற்றும் ரைஸ் ஈஸ்ட் என்டர்டெய்ன்மென்ட் இணைந்து தயாரித்துள்ள படம் 'லவ் மேரேஜ்'. சண்முக பிரியன் இயக்கி உள்ளார், விக்ரம் பிரபு - சுஷ்மிதா பட் நாயகன், நாயகியாக நடித்துள்ளனர். இவர்களுடன் ரமேஷ் திலக், மீனாட்சி தினேஷ், அருள்தாஸ், முருகானந்தம், கோடாங்கி வடிவேலு உள்ளிட்ட பலர் நடித்துள்ளார்கள். மதன் கிறிஸ்டோபர் ஒளிப்பதிவு செய்திருக்கும் இந்த படத்திற்கு ஷான் ரோல்டன் இசை அமைத்திருக்கிறார். வருகிற 27ம் தேதி வெளிவருகிறது.

இந்த நிலையில் படத்தின் பாடல் வெளியீட்டு விழா நடந்தது. இதில் விக்ரம் பிரபு பேசியதாவது: இந்தப் படத்தின் படப்பிடிப்பு தருணத்தில் கிடைத்த மகிழ்ச்சி இதற்கு முன் எந்த திரைப்படத்தின் படப்பிடிப்பிலும் கிடைத்ததில்லை. இந்த படம் நல்ல படமாக வரவேண்டும் என்ற அழுத்தம் எனக்குள் ஏற்பட்டது. இந்தப் படம் சிறப்பாக வரவேண்டும் என நான் மட்டும் இல்லாமல் ஒட்டுமொத்த பட குழுவும் மகிழ்ச்சியுடன் பணியாற்றியது. படப்பிடிப்பு நடைபெற்ற ஒரு மாத காலம் வரை குடும்பமாக அனைவரும் ஒன்றிணைந்து பணியாற்றினோம். இது மறக்க இயலாத அனுபவம்.

சினிமாவில் நடிகர், நடிகைகள் தாண்டி, மற்ற கதாபாத்திரங்களில் நடிப்போருக்கு 'ஸ்கிரிப்ட் பேப்பர்கள்' கிடைப்பது பெரிய விஷயம். 'ஷூட்டிங் ஸ்பாட்'டில் பார்த்துக்கொள்ளலாம் என்று உதவி இயக்குனர்கள் எளிதாக சொல்லிவிடுவார்கள். அந்த நிலை மாற வேண்டும். ஹீரோ, ஹீரோயின்களுக்கு அளிக்கும் முக்கியத்துவம், இதர நடிகர், நடிகைகளுக்கும் வழங்கப்பட வேண்டும். தமிழ் சினிமா இன்னும் பெரிய தளத்துக்கு செல்ல வேண்டும். அதுதான் என் விருப்பம்.
காதல் இல்லாமல் திருமணம் 'செட்' ஆகாது. காலம் மாறிக்கொண்டு இருக்கிறது. அதற்கேற்றபடி, படங்களும் மாறிக்கொண்டு இருக்கிறது. மக்களும் மாறிவிட்டார்கள் என்று நினைக்கிறேன். எனவே என் ஆதரவு என்றுமே காதல் திருமணங்களுக்கு தான்''. என்றார்.

• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்