Dinamalar

அல்லு அர்ஜுன் - திரிவிக்ரம் சீனிவாஸ் படம் டிராப் ?

தெலுங்குத் திரையுலகின் மற்றுமொரு பான் இந்தியா ஸ்டார் ஆக இருப்பவர் அல்லு அர்ஜுன். அவரும் பிரபல இயக்குனரான திரிவிக்ரம் சீனிவாஸ் இருவரும் புதிய படம் ஒன்றில் இணைவதாக இருந்தது. 'புஷ்பா 2' படத்திற்குப் பிறகு இந்தப் படம்தான் ஆரம்பமாகும் என்றார்கள்.

ஆனால், அல்லு அர்ஜுன் திடீரென அட்லி இயக்கத்தில் நடிக்க சம்மதித்து அந்தப் படத்தின் படப்பிடிப்பு இன்று ஆரம்பமாகும் நிலை வரை வந்துவிட்டது. இதனிடையே கடந்த சில நாட்களாக திரிவிக்ரம், அல்லு ஆர்ஜுன் இணையவிருந்த படம் 'டிராப்' ஆகிவிட்டது, அல்லு அர்ஜுன் மீது திரிவிக்ரம் கோபத்தில் உள்ளதாக டோலிவுட் வட்டாரத்தில் கிசுகிசுக்கப்பட்டது.

தன் படத்தில் நடிக்க சம்மதித்து, திடீரென அட்லி பக்கம் அவர் போய்விட்டதே திரிவிக்ரமின் கோபத்திற்குக் காரணம் என்கிறார்கள். இருவரும் இணைந்து 'ஜுலாயி, சன் ஆப் சத்தியமூர்த்தி, அலா வைகுந்தபுரம்லோ' ஆகிய படங்களைக் கொடுத்துள்ளனர்.

இந்நிலையில் பிரபல தயாரிப்பாளர் நாக வம்சி சற்று முன்னர் எக்ஸ் தளத்தில், “திரிவிக்ரம் காருவின் அடுத்த படங்கள், 'வெங்கடேஷ் மற்றும் ஜுனியர் என்டிஆர் ஆகியோருடன் என முடிவெடுக்கப்பட்டுள்ளது. மற்றவை அனைத்தும் வெறும் யூகம்தான். திரிவிக்ரம் காருவின் உறுதிப்படுத்தப்பட்ட படங்கள் எவை என்பதை இந்தப் பகுதியில் நான் அறிவிப்பேன்,” எனக் குறிப்பிட்டுள்ளார்.

இதன் மூலம் திரிவிக்ரம், அல்லு அர்ஜுன் இணைய உள்ளதாக பேசப்பட்ட படம் உறுதி செய்யப்படவில்லை என்பது தெரிய வந்துள்ளது.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  நடிகை ராதிகாவுக்கு டெங்கு : மருத்துவமனையில் அனுமதி
• 
  மோசடி வழக்கு : காமெடி நடிகர் சீனிவாசன் கைது
• 
  பிரபாஸ் படப்பிடிப்பு தளத்திற்கு விசிட் அடித்த பூரி ஜெகன்நாத், சார்மி ...
• 
  தனுஷ் நடிக்கும் 54வது படத்தின் படப்பிடிப்பு தொடங்கியது
• 
  மாதம்பட்டி ரங்கராஜ் உடனான திருமணம் : கணவன், மனைவியாக பயணத்தை துவங்கியதாக ...