Dinamalar

24 ஆண்டுகளுக்கு பின் தமிழில் ரவீனா டாண்டன்

பிரபல பாலிவுட் நடிகை ரவீனா டாண்டன். தமிழில் அர்ஜுன் ஜோடியாக சாது படத்தில் நடித்து அறிமுகமானார். 2001ல் கமல்ஹாசனின் ‛ஆளவந்தான்' படத்தில் அவருக்கு ஜோடியாக நடித்தார். அதன்பின் தமிழில் நடிக்கவில்லை. தொடர்ந்து பாலிவுட்டில் அதிகம் நடித்தார். அவ்வப்போது ஓரிரு தென்னிந்திய படங்களில் நடித்தார். 2022ல் பான் இந்தியா படமாக வெளியான கன்னட படமான கேஜிஎப்., 2வில் பிரதமர் வேடத்தில் நடித்து மீண்டும் தென்னிந்திய சினிமா ரசிகர்களிடம் கவனம் பெற்றார்.

இந்நிலையில் 24 ஆண்டுகளுக்கு பின் ரவீனா தமிழில் ரீ-என்ட்ரி ஆகிறார். ‛ஜென்டில்வுமன்' படத்தை இயக்கிய ஜோஷுவா சேதுராமன், ‛லாயர்' என்ற படத்தை இயக்குகிறார். நீதிமன்றம் தொடர்பான கதையில் உருவாகும் இப்படத்தில் விஜய் ஆண்டனி ஹீரோவாக வக்கீல் வேடத்தில் நடிப்பதோடு தயாரிக்கவும் செய்கிறார். இந்த படத்தில் தான் ரவீனாவும் வக்கீலாக முதன்மை வேடத்தில் நடிக்கிறார். இதற்கான அறிவிப்பை படக்குழுவினர் அவரின் போஸ்டர் உடன் வெளியிட்டுள்ளனர். தமிழ், தெலுங்கு, ஹிந்தி உள்ளிட்ட மொழிகளில் உருவாகும் இப்படத்தின் படப்பிடிப்பு ஜுனில் துவங்குகிறது.

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்

• 
  ரஜினியின் அடுத்த படத்தை தயாரிப்பது யார்?
• 
  இப்படியெல்லாம் ஐடியா கொடுப்பது யாரு?
• 
  2025 தீபாவளி : 3 இளம் ஹீரோக்களின் போட்டி
• 
  சல்மான் கான் கமெண்ட்டுக்கு பதிலளிப்பாரா ஏஆர் முருகதாஸ் ?
• 
  காதலரைக் கரம் பிடிக்க 15 வருடங்கள் காத்திருந்த கீர்த்தி சுரேஷ்