Dinamalar

பிளாஷ்பேக்: கடைசி வரை கவர்ச்சியாக நடிக்காத சுஜாதா

சினிமாவில் அறிமுகமாகும்போது எல்லா நடிகைகளும் நான் கவர்ச்சியாக நடிக்க மாட்டேன் என்பார்கள். ஆனால் காலப்போக்கில் நடிக்க ஆரம்பித்து விடுவார்கள். ஆனால் அபூர்வமாக ஒரு சில நடிகைகளே சொன்ன சொல்லை கடைசிவரை காப்பாற்றி இருக்கிறார்கள். அவர்களில் முக்கியமானவர் சுஜாதா. சுஜாதாவின் இயற்பெயர் விஜயலட்சுமி. அப்பா சங்கர மேனன், ரொம்பவே ஆச்சாரமான குடும்பம். அதனால் சுஜாதா சினிமாவில் நடிக்கவே கூடாது என்று கூறிவந்தார் தந்தை. சுஜாதாவிற்கும் சினிமாவில் நடிக்க விருப்பம் இல்லை.

சுஜாதாவின் அண்ணன் கோபிநாத் சினிமாவில் நடிக்க முயற்சி செய்து வந்தார். அப்போது அவர் போலியோ நோயால் பாதிக்கப்பட்டதால் நடிக்கவில்லை. அதனால் தனது தங்கை சுஜாதாவை சினிமாவில் நடிக்க வைத்து பெரிய நடிகையாக்க விரும்பினார். அவரது முயற்சியால் மலையாள படங்களில் நடிக்க ஆரம்பித்தார்.
முதல் படம் 'தபஸ்வினி'. இதில் விதவையாக சோகமான கேரக்டரில் நடித்தார். இந்த படத்தில் நடித்ததாலோ என்னவோ அவர் நடித்த 40 மலையாள படங்களிலும் சோகமான கேரக்டர்களிலேயே நடித்தார். 1974ல் 'அவள் ஒரு தொடர்கதை' மூலம் தமிழுக்கு வந்தார். அதிலும் சோகமான கேரக்டர்தான்.

'அன்னக்கிளி, அவர்கள், அந்தமான் காதலி, ஒரு ஊதாப்பூ கண்சிமிட்டுகிறது, சந்திப்பு, தீர்ப்பு, திருப்பம், நூல்வேலி, பூந்தளிர், மயங்குகிறாள் ஒரு மாது, விதி' என விதவிதமான கேரக்டர்களில் நடித்தார். முத்துராமன், ஜெய்சங்கர், சிவகுமார், விஜயகுமார், ரஜினி, கமல் என எல்லா முன்னணி நடிகர்களுடனும் நடித்தார். ஒரு கட்டத்தில் யார்யாருக்கெல்லாம், ஜோடியாக நடித்தாரோ அவர்களுக்கெல்லாம் அம்மாவாக நடித்தார். சுஜாதா நடித்த கடைசி படம் 'வரலாறு'. இதில் அஜித்தின் அம்மாவாக நடித்தார். தென்னிந்திய மொழிகளில் 100 படங்களுக்கு மேல் நடித்த சுஜாதா, எந்த படத்திலும் கவர்ச்சியாக நடிக்கவில்லை. பெரும்பாலும் சோக கேரக்டர்களிலேயே நடித்தார்.

• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி
• 
  டிவி ஒளிபரப்பில் சாதனை படைத்த 'புஷ்பா 2'
• 
  கர்ப்பமாக இருக்கும் கியாரா அத்வானிக்காக டாக்ஸிக் படப்பிடிப்பை ...

• 
  'பராசக்தி' படப்பிடிப்பு விரைவில் மீண்டும் ஆரம்பம்?
• 
  விஜய் ஆண்டனியின் 'மார்கன்' படத்துக்கு யு/ஏ சான்றிதழ்!
• 
  'டி என் ஏ'வை ஐஸ்வர்யா ராஜேஷ் பாராட்டியது ஏன்
• 
  விக்ரம்பிரபு பட விழாவில் ஆதிக்ரவிச்சந்திரன்
• 
  'பறந்து போ' படத்திற்காக யுவன் சங்கர் ராஜா பாடிய பாடல் ஜூன் 24ல் ரிலீஸ்!