Dinamalar

பிளாஷ்பேக்: 200 படங்களை ராகத்தில் மிதக்க வைத்த எஸ்.வி.வி

எம்.எஸ்.விஸ்வநாதன் வருகைக்கு முன்பு திரையுலகில் ஆட்சி செய்தவர்கள் ஜி.ராமநாதன், பாபநாசம் சிவன் என்பது அனைவரும் அறிந்த ஒன்றுதான். ஆனால் இவர்களுக்கு நிகராக அன்றைக்கு இருந்த இன்னொருவர் எஸ்.வி.வெங்கட்ராமன். ஆனால் அவரை பற்றி பலரும் அறிந்திருக்கவில்லை. இவர் இசை அமைப்பாளராக மட்டுமின்றி நடிகர், பாடலாசிரியர், கதாசிரியர் என பன்முக தன்மை கொண்டவராக இருந்தார்.

சோழவந்தான் வரதராஜன் வெங்கட்ராமன் என்பதன் சுருக்கம்தான் எஸ்.வி.வெங்கட்ராமன். திரையுலக வட்டாரத்தில் 'எஸ்வி' என செல்லமாக அழைப்பார்கள். 1938 முதல் 1970 வரை இந்தியத் திரைப்படத் துறையில் பணியாற்றினார். 200கும் அதிகமான படங்களுக்கு இசை அமைத்தார்.
எம்.எஸ்.சுப்புலட்சுமி நடித்த 'மீரா' படத்திற்கு இசை அமைத்தது இவரது புகழ் மகுடத்தின் வைரம். கன்னடம், மலையாளம் மற்றும் இந்தி படங்களுக்கு இசையமைத்துள்ளார். நந்தகுமார், தாசில்தார், வால்மீகி, மனோன்மணி, கண்ணகி, நந்தனார், நாக பஞ்சமி, ஸ்ரீ முருகன், மனோகரா, இரும்புத்திரை போன்றவை அவர் இசை அமைத்த முக்கியமான படங்கள்.

எஸ்.வி.வெங்கட்ராமனுக்கு மூன்று வயதாக இருந்தபோது, அவரது தந்தை இறந்தார். பின்னர் அவர் தனது மாமா வீட்டில் வளர்ந்தார். இசை மீது மிகுந்த ஆர்வம் கொண்டவர் இசை கற்பதற்காக சென்னை சிந்தாரிப்பேட்டைக்கு வந்தார். பின்னர் நாடக குழுவில் சேர்ந்து நாடகத்திற்கு இசை அமைத்தார், பாடல்கள் பாடினார், நடிக்கவும் செய்தார்.

அண்ணாதுரை, எம்.ஜி.ஆர், கருணாநிதி, ஜெயலலிதா, என்.டி.ராமராவ் என 5 முதல்வர்களுடன் பணியாற்றினார். எம்.எஸ்.விஸ்வநாதன், டி.கே.ராமமூர்த்தி, ஜி.கே.வெங்கடேஷ் உள்ளிட்ட பல பிரபல இசையமைப்பாளர்கள் இவரது இசை குழுவில் பணியாற்றி உள்ளனர்.

• 
  கூலி படத்தில் அமீர்கானை வீணடித்து விட்டார்கள் : ரசிகர்கள் ஆதங்கம்
• 
  ஆகஸ்ட் 22-ல் ஓடிடியில் வெளியாகும் தலைவன் தலைவி
• 
  லிவ்-இன் உறவுகள் பெண்களுக்கு தீங்கு விளைவிக்கும் : கங்கனா
• 
  விமர்சனங்களில் பின்னடைவைச் சந்திக்கும் 'வார் 2'
• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...

• 
  அஜித் 64வது படம் எந்த மாதிரி கதை : ஆதிக் ரவிச்சந்திரன் வெளியிட்ட தகவல்
• 
  அப்படி நடித்ததால் ரசிகர்கள் வெறுத்தனர் : அனுபமா பரமேஸ்வரன்
• 
  சினிமாவில் 50... வாழ்த்திய பிரதமர் மோடி : நன்றி தெரிவித்த ரஜினி
• 
  கூலி படத்தில் மிரட்டிய சவுபின் ஷாகிர், ரச்சிதா ராம் : இவங்க பின்னணி ...
• 
  சில கோடி செலவில் ‛கேப்டன் பிரபாகரன்' ரீ ரிலீஸ் : கில்லி மாதிரி வெற்றியை ...