Dinamalar

இரண்டே நாட்களில் 100 கோடி கடந்த 'சிக்கந்தர்'

ஏஆர் முருகதாஸ் இயக்கத்தில், சல்மான் கான், ராஷ்மிகா மந்தனா, சத்யராஜ் மற்றும் பலர் நடிப்பில் மார்ச் 30ம் தேதி வெளிவந்த படம் 'சிக்கந்தர்'. படத்திற்கு நெகட்டிவ் விமர்சனங்கள் அதிகம் வந்தாலும், மோசமில்லாத வசூல் படத்திற்குக் கிடைத்து வருகிறது.

படம் வெளியான முதல் நாளில் 54 கோடியே 72 லட்சம் வசூலித்ததாக தயாரிப்பு நிறுவனம் அதிகாரப்பூர்வமாக அறிவித்தது. நேற்று இரண்டாவது நாள் முடிவில் படத்தின் வசூல் 100 கோடியைக் கடந்துள்ளது. இரண்டாவது நாளுடன் சேர்த்து மொத்தம் 105 கோடியே 89 லட்சம் வசூலித்துள்ளதாகத் தெரிவித்துள்ளார்கள்.

இந்தியாவில் 39 கோடியே 37 லட்சமும், வெளிநாடுகளில் 11 கோடியே 80 லட்சமும் வசூலித்துள்ளதாம். சல்மான் கான் நடித்து இதுவரை வெளியான படங்களில் 17 படங்கள் 100 கோடி வசூலைக் கடந்துள்ளன. தற்போது 18வது படமாக 'சிக்கந்தர்' படம் 100 கோடி கிளப்பில் இணைந்துள்ளது.

300 கோடி வசூல் கடந்த படங்களாக 'பஜ்ரங்கி பைஜான், சுல்தான், டைகர் ஜிந்தா' ஆகிய படங்களும், 200 கோடி வசூல் கடந்த படங்களாக 'கிக், பிரேம் ரதன் தான் பாயோ, பாரத்' ஆகிய படங்களும் உள்ளன.

• 
  ரஜினி, கமல் இணையும் படத்தை இயக்குகிறேனா? : பிரதீப் ரங்கநாதன் சொன்ன பதில்
• 
  அஜித் 64வது படத்தில் இயக்குனர் சரண் பணியாற்றுகிறாரா?
• 
  காந்தாரா சாப்டர் 1 கிளைமாக்ஸ் சவால்களை வெளியிட்ட ரிஷப் ஷெட்டி
• 
  பிரியங்கா மோகனின் ‛மேட் இன் கொரியா'
• 
  பாலாஜி மோகன், அர்ஜுன் தாஸ் இணையும் ‛லவ்'

• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்