Dinamalar

ஆசிரியரின் அறிவுரையை மாத்தி யோசித்த பிரதீப் ரங்கநாதன்; சுவாரஸ்ய பின்னணி என்ன?

'லவ் டுடே' படத்தை இயக்கி, நடித்த பிரதீப் ரங்கநாதன், அடுத்ததாக 'டிராகன்' படத்தில் நடித்துள்ளார். அஸ்வத் மாரிமுத்து இயக்கியுள்ள இப்படத்தை ஏஜிஎஸ் நிறுவனம் தயாரித்துள்ளது. நாயகியாக அனுபமா பரமேஸ்வரன் நடித்துள்ளார். இயக்குனர்கள் மிஷ்கின், கவுதம் மேனன், கே.எஸ். ரவிக்குமார் ஆகியோர் முக்கிய கதாபாத்திரத்தில் நடித்துள்ளனர். பிப்.,21ல் ரிலீசாகிறது.

கல்லூரி காலத்தில் லூட்டி அடித்துக்கொண்டு ஊதாரித்தனமாக திரியும் ஹீரோ, பின்னர் எப்படி வாழ்க்கையில் சக்ஸஸ் ஆனார் என்பதே படத்தின் கதை. இந்த நிலையில், பிரதீப் ரங்கநாதன் சமூக வலைதளத்தில் 2012ம் ஆண்டு கல்லூரி படிப்பின்போது வேதியியல் பாடத்தேர்வில் எழுதிய விடைத்தாளின் புகைப்படத்தை பகிர்ந்துள்ளார். அதில் பிரதீப் எழுதிய கேள்விக்கு தவறு எனக் குறிப்பிட்டுள்ள அவரது ஆசிரியர், 'நன்றாக முயற்சித்துள்ளீர்கள். பிரதீப், தயவுசெய்து கதை எழுத வேண்டாம்' என எழுதியிருந்தார்.

அதனை பகிர்ந்த பிரதீப், ''ஆசிரியர் என்னை தேர்வில் கதை எழுத வேண்டாமெனக் கூறினார். ஆனால், நான் கதை எழுதுவதையே எனது தொழிலாக மாற்றிக் கொண்டேன். இந்தத் தாளில் அழகான கமெண்ட் எழுதியது என்னுடைய ஆசிரியர் அருள். டிராகன் படத்திற்கான முன்பதிவு துவங்கியது. பின்குறிப்பு: இது அலகுத் தேர்வுதான். முக்கியமான தேர்வுக்கு நன்கு படித்தேன்'' எனக் கூறியுள்ளார்.

• செய்திகள்
• வந்த படங்கள்

• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'
• 
  செப்டம்பர் 12ல் நெட்பிளிக்சில் வெளியாகும் சாயாரா!
• 
  ‛லோகா சாப்டர் 1 ; சந்திரா' படத்துக்கு பிரியங்கா சோப்ரா பாராட்டு
• 
  நடிகைகளை வைத்து பாலியல் தொழில் : பாலிவுட் நடிகை கைது

• 
  எனக்கு நீதி வாங்கித் தாங்க : மாதம்பட்டி ரங்கராஜ் பற்றி முதல்வரிடம் ...
• 
  நடிகை காஜல் அகர்வால் குறித்து தீயாய் பரவும் வதந்தி
• 
  பராசக்தி படத்தில் ராணா நடிப்பதை உறுதிப்படுத்திய சிவகார்த்திகேயன்
• 
  மதராஸி - காந்தி கண்ணாடி படங்களின் மூன்று நாள் வசூல் எவ்வளவு?
• 
  அமீர்கான் படத்தை கைவிட்டாரா லோகேஷ் கனகராஜ்