Dinamalar

ஹாட்ரிக் வெற்றியில் ராஷ்மிகா மந்தனா

கன்னட சினிமாவில் அறிமுகமாகி, தெலுங்கில் நுழைந்து அங்கும் வெற்றி பெற்று, தற்போது ஹிந்தியிலும் முன்னேறிக் கொண்டிருக்கிறார் ராஷ்மிகா மந்தனா. தமிழில் 'சுல்தான், வாரிசு' படங்களில் நடித்தவர் தற்போது தமிழ், தெலுங்கில் தயாராகும் 'குபேரா', ஹிந்தியில் தயாராகும் 'சிக்கந்தர்' உள்ளிட்ட படங்களில் நடித்து வருகிறார்.

ராஷ்மிகா நடித்து கடந்த வாரம் வெளிவந்த ஹிந்திப் படமான 'சாவா' வெளியான மூன்று நாட்களில் 100 கோடி வசூலைக் கடந்து வெற்றியை நோக்கி போய்க் கொண்டிருக்கிறது. இந்த வெற்றியுடன் சேர்த்து ராஷ்மிகா ஹாட்ரிக் வெற்றியைப் பெற்றுள்ளார்.

2023ல் அவர் ஹிந்தியில் கதாநாயகியாக நடித்து வெளிவந்த 'அனிமல்' படம் 900 கோடியை வசூலித்தது. அடுத்து கடந்த 2024ம் வருடம் வெளிவந்த 'புஷ்பா 2' படம் 1800 கோடிக்கும் அதிகமா வசூலித்து சாதனை புரிந்தது. தற்போது 2025ல் அவரது முதல் வெளியீடான 'சாவா' படம் 100 கோடியைக் கடந்துள்ளது. இந்த வருடத்தில் வெளியாக உள்ள 'குபேரா, சிக்கந்தர்' ஆகிய படங்களும் 100 கோடிக்கும் அதிகமாக வசூலிக்கும் என்ற எதிர்பார்ப்பை ஏற்படுத்தியுள்ளது.

அதனால், இந்த வருடம் தமிழ், தெலுங்கு, ஹிந்தி என மூன்று மொழிகளிலும் ராஷ்மிகா வசூல் நாயகி எனப் பெயர் பெற்றுவிடுவார்.

• 
  நான் அவள் இல்லை ; டீப் பேக் வீடியோ குறித்து வித்யா பாலன் எச்சரிக்கை
• 
  நான் செல்ல வேண்டிய நேரம் வந்துவிட்டது : அமிதாப்பச்சனின் பதிவால் பரபரப்பு!
• 
  இர்பான் கான் நினைவாக தங்கள் கிராமத்திற்கு புதிய பெயர் சூட்டிய மக்கள்
• 
  தகராறை முடித்துக் கொண்ட கங்கனா ரணவத், ஜாவேத் அக்தர்
• 
  மறைந்த பாலிவுட் நடிகர் உத்தம் மொகந்தி உடலுக்கு அரசு மரியாதை

• 
  நடிகர் சிவாஜி கணேசன் வீட்டை ஜப்தி செய்ய உத்தரவு
• 
  முடக்கப்பட்ட எக்ஸ் தளத்தை மீட்க முடியாமல் தவிக்கும் ஸ்ரேயா கோஷல்
• 
  அஜித்தின் 'விடாமுயற்சி', 'குட் பேட் அக்லி' பட டீசர்களுக்கு இடையே ...
• 
  'மதராஸி' தாமதம்: தயாரிப்பாளர் கோபம்: மீண்டும் நடக்குமா?
• 
  மீண்டும் 9 படங்கள் ரிலீஸ் ஆகும் வாரம்…