Dinamalar

'ஜியோ ஹாட்ஸ்டார்' ஆக மாறியது 'டிஸ்னி பிளஸ் ஹாட்ஸ்டார்'

உலக அளவில் பிரபலமான தனியார் டிவி நிறுவனம் ஸ்டார். 1990ம் ஆண்டு ஸ்டார் டிவி என ஆரம்பிக்கப்பட்டது. ஆசிய ரசிகர்களுக்காக ஸ்டார் பிளஸ் உள்ளிட்ட ஐந்து டிவி சானல்கள் துவங்கப்பட்டன. அதன்பின் 1992ம் ஆண்டு ரூபர்ட் முர்டாக் நியூஸ் கார்ப்பரேஷன் நிறுவனம் அதன் பெரும்பான்மை பங்குகளை வாங்கியது. அதன்பின் ஸ்டார் மூவீஸ், சானல் வி, ஸ்டார் நியூஸ் உள்ளிட்ட சானல்கள் இந்திய ரசிகர்களுக்காக ஆரம்பிக்கப்பட்டது.

2001ம் ஆண்டில் அந்நிறுவனம் தமிழ் டிவி சானலான விஜய் டிவியை வாங்கியது. தொடர்ந்து பல இந்திய மொழிகளில் டிவி சானல்கள் வாங்கப்பட்டது, சில சானல்கள் புதிதாக ஆரம்பிக்கப்பட்டது. 2015ம் ஆண்டில் ஓடிடி தளமான 'ஹாட்ஸ்டார்' ஆரம்பிக்கப்பட்டது.

2019ம் ஆண்டில் டிஸ்னி நிறுவனம் அந்நிறுவனத்தைக் கைப்பற்றியது. 2020ம் ஆண்டில் ஹாட்ஸ்டார், டிஸ்னி பிளஸ் ஹாட்ஸ்டார் எனப் பெயர் மாறியது. கடந்த வருடம் 2024ம் ஆண்டு பிப்ரவரி மாதம் டிஸ்னி மற்றும் ரிலயன்ஸ் ஆகிய நிறுவனங்கள் இணைந்து செயல்படும் ஒப்பந்தம் செய்துகொண்டன.

இதுவரையில் 'டிஸ்னி பிளஸ் ஹாட்ஸ்டார்' என்று செயல்பட்டு வந்த ஓடிடி தளம் இனி, 'ஜியோ ஹாட்ஸ்டார்' என செயல்படும் என இன்று அதிகாரப்பூர்வமாக அறிவித்துள்ளார்கள். அதற்கான லோகோவும் புதிதாக மாற்றப்பட்டுள்ளது.

• 
  நான் அவள் இல்லை ; டீப் பேக் வீடியோ குறித்து வித்யா பாலன் எச்சரிக்கை
• 
  நான் செல்ல வேண்டிய நேரம் வந்துவிட்டது : அமிதாப்பச்சனின் பதிவால் பரபரப்பு!
• 
  இர்பான் கான் நினைவாக தங்கள் கிராமத்திற்கு புதிய பெயர் சூட்டிய மக்கள்
• 
  தகராறை முடித்துக் கொண்ட கங்கனா ரணவத், ஜாவேத் அக்தர்
• 
  மறைந்த பாலிவுட் நடிகர் உத்தம் மொகந்தி உடலுக்கு அரசு மரியாதை

• 
  யாரிடமும் உதவி கேட்காதீங்க : செல்வராகவன்
• 
  தாலாட்டுதே வானம்... என தாலாட்டி சென்ற ஜெயச்சந்திரனின் பிறந்தநாள் இன்று!
• 
  பாலா விழாவில் கலந்து கொள்ளாதது ஏன்? லைலா விளக்கம்
• 
  போஸ்ட் புரொக்ஷன் ஸ்டூடியோ திறந்தார் ஏ.எல்.விஜய்
• 
  பிளாஷ்பேக் : வெளிமாநிலத்தில் வெள்ளி விழா கொண்டாடிய முதல் படம்