Dinamalar

பொங்கல் போட்டியில் இணைந்த 'மத கஜ ராஜா' : 12 ஆண்டுகளுக்கு பின் விமோசனம்

2025ம் ஆண்டு பொங்கலுக்கு வெளிவருவதாக இருந்த அஜித் நடித்த 'விடாமுயற்சி' படம் தள்ளிப்போனது. அதனால், புதிதாக பத்து படங்கள் வரை தற்போது பொங்கல் வெளியீடு என அறிவிக்கப்பட்டுள்ளன. இந்தப் படங்கள் அனைத்திற்கும் எப்படி தியேட்டர்கள் கிடைக்கும். தமிழகத்தில் இருப்பதே 1000 தியேட்டர்கள்தான். இவற்றில் எந்தப் படம் வெளிவரும், எந்தப் படம் தள்ளிப் போகும் என்பது அடுத்த சில நாட்களில் தெரிந்துவிடும்.

தற்போது இந்தப் போட்டியில் புதிதாக 'மத கஜ ராஜா' படம் இணைந்துள்ளது. சுந்தர் சி இயக்கத்தில், விஜய் ஆண்டனி இசையமைப்பில் விஷால், வரலட்சுமி சரத்குமார், அஞ்சலி, சந்தானம் மற்றும் பலர் நடிப்பில் உருவான படம். 2012ல் ஆரம்பமான இந்தப் படம் 2013ம் ஆண்டே முடிவடைந்தது.

2013ம் ஆண்டு பொங்கலுக்கு வெளியாகும் என அறிவிக்கப்பட்டது. ஆனால், அப்போது விஷால் நடித்த மற்றொரு படமான 'சமர்' படம் வெளியானதால் 'மத கஜ ராஜா' வெளியீடு தள்ளி வைக்கப்பட்டது. அதன்பின் 2013 குடியரசு தினத்தில் வெளியாக திட்டமிட்டார்கள்.

ஆனால், 'மத கஜ ராஜா' படத்தைத் தயாரித்த ஜெமினி பிலிம் சர்க்யூட் நிறுவனத்தின் தயாரிப்பான மணிரத்னத்தின் 'கடல்' படம் 2013 பிப்ரவரி 1ம் தேதி வெளியாகி படு தோல்வியைத் தழுவியது. அந்தப் படத்தின் நஷ்டத்தை 'மத கஜ ராஜா' வெளியீட்டின் போது சரி செய்ய வேண்டும் என வினியோகஸ்தர்கள் கோரிக்கை வைத்தனர். அதன்பிறகு அதே வருடத்தில் செப்டம்பர் மாதம் படத்தை வெளியிட திட்டமிட்டார்கள். தொடர்ந்து சில வழக்குகள், பிரச்னைகள் என படத்தின் வெளியீடு அவ்வப்போது அறிவிக்கப்பட்டு தள்ளிக் கொண்டே வந்தது.

கடைசியாக 12 வருடங்களுக்குப் பிறகு மீண்டும் படம் இந்த பொங்கலுக்கு வெளியாகும் என அறிவித்துள்ளார்கள். இந்த முறையாவது படம் வெளிவந்துவிடுமா என்பதைப் பொறுத்திருந்து பார்க்க வேண்டும்.

• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்

• 
  ஜனவரியில் துவங்கும் வெங்கட் பிரபு, சிவகார்த்திகேயன் படம்
• 
  த்ரிஷாவுக்கு விரைவில் திருமணம் என பரவும் தகவல்
• 
  இரவு 12மணிக்கு மிஷ்கினுக்கு ஐ லவ் யூ சொன்ன இயக்குனர்
• 
  2வது வாரத்தில் கூடுதல் தியேட்டர்களில் 'காந்தாரா சாப்டர் 1'
• 
  ஐரோப்பிய நாடுகளில் நடைபெற்று வரும் சூர்யா, வெங்கி அட்லூரி படப்பிடிப்பு