Dinamalar

விடாமுயற்சி பொங்கல் ரிலீஸ் ஒத்திவைப்பு

நடிகர் அஜித் நடிப்பில் வெளியாக உள்ள விடாமுயற்சி திரைப்படம், பொங்கலுக்கு ரிலீஸ் செய்யப்படாது என அதன் தயாரிப்பு நிறுவனம் அறிவித்துள்ளது.

மகிழ் திருமேனி இயக்கத்தில் அஜித்குமார் நடிப்பில் உருவாகி வரும் படம் 'விடாமுயற்சி'. இதில் அர்ஜுன், த்ரிஷா, ரெஜினா, ஆரவ் உள்ளிட்டோர் முக்கிய கதாபாத்திரங்களில் நடிக்கின்றனர். இப்படத்தின் இறுதிகட்ட படப்பிடிப்பு கடந்த வாரத்தில் நிறைவு பெற்றது. தொடர்ந்து டப்பிங் பணிகளையும் அஜித் நிறைவு செய்துள்ளார். 2025ம் ஆண்டு பொங்கலுக்கு படம் திரைக்கு வரும் என எதிர்பார்க்கப்பட்டது.

இந்நிலையில், பொங்கலுக்கு படம் ரிலீஸ் செய்யப்படாது என, அதன் தயாரிப்பு நிறுவனமான லைகா அறிவித்துள்ளது. இதுகுறித்து லைகா வெளியிட்டுள்ள அறிக்கையில், அனைவரும் இனிய ஆங்கில புத்தாண்டு நல்வாழ்த்துக்கள். சில தவிர்க்க முடியாத காரணங்களால், விடாமுயற்சி திரைப்படம், பொங்கல் வெளியீட்டில் இருந்து பிற்போடப்பட்டுள்ளது என அறிவித்துள்ளது.

புத்தாண்டை ஒட்டி, விடாமுயற்சி திரைப்படத்தின் டிரெய்லர் வெளியாகும் என, ரசிகர்கள் எதிர்பார்த்த நிலையில், எதிர்பாராத இந்த அறிவிப்பு, அஜித் ரசிகர்களை அதிர்ச்சி அடைய வைத்துள்ளது.

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி

• 
  இந்த முட்டாள் யார் : ஸ்ரேயா கோபம்
• 
  பெண் குழந்தைக்கு அப்பாவான பிரேம்ஜி அமரன்
• 
  டிச., 8ல் துவங்கும் சூர்யா 47 பட படப்பிடிப்பு
• 
  தயாரிப்பாளர் சங்கத் தேர்தலில் கடும் போட்டி
• 
  ஏகனுக்கு ஜோடியாக இரண்டு நாயகிகள்