Dinamalar

அமரன் - மூன்று நாட்களில் 100 கோடி வசூல்

ராஜ்குமார் பெரியசாமி இயக்கத்தில், ஜிவி பிரகாஷ்குமார் இசையமைப்பில், சிவகார்த்திகேயன், சாய் பல்லவி மற்றும் பலர் நடிப்பில் அக்டோபர் 31ம் தேதி வெளியான படம் 'அமரன்'. இப்படம் முதல் நாளில் 42 கோடியே 30 லட்சம் வசூலித்ததாக தயாரிப்பு நிறுவனம் அதிகாரப்பூர்வமாக அறிவித்தது. ஆனால், இரண்டாம் மற்றும் மூன்றாம் நாள் வசூலை இன்னும் அறிவிக்கவில்லை.

முதல் நாள் வசூலை விட இரண்டாம் நாள், மூன்றாம் நாள் வசூல் அதிகமாக இருந்ததாக பாக்ஸ் ஆபீஸ் தகவல்கள் தெரிவிக்கின்றன. முதல் நாள் வசூலின் கணக்கை வைத்துப் பார்த்தால் கடந்த மூன்று நாட்களில் இப்படம் 100 கோடி வசூலைக் கடந்துவிட்டது என்று சொல்கிறார்கள்.

சிவகார்த்திகேயன் நடித்து வெளிவந்த படம் ஒன்று மூன்றே நாட்களில் 100 கோடி வசூலைக் கடப்பது இதுவே முதல் முறை. இன்று ஞாயிறு விடுமுறை நாள் என்பதால் இன்றைய வசூலும் முந்தைய மூன்று நாட்களின் வசூலைப் போலவேதான் இருக்கும். அடுத்த வார நாட்களிலும் படத்திற்கு குறிப்பிடத்தக்க முன்பதிவு நடந்துள்ளது. படத்தின் வசூல் எப்படியும் 200 கோடியைத் தாண்டும் என்று இப்போதைக்கு யூகித்துள்ளார்கள்.

இதற்கு முன்பு சிவகார்த்திகேயன் நடித்த டாக்டர் படம் 25 நாட்களில் 100 கோடி வசூலித்தது. அதையடுத்து வெளியான டான் படம் 12 நாட்களில் நூறு கோடி வசூலித்தது.

• செய்திகள்
• வரவிருக்கும் படங்கள்

• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  இட்லி கடை, காந்தாரா சாப்டர் 1 படங்களின் வசூல் நிலவரம் என்ன?
• 
  நயன்தாராவின் லேடி சூப்பர் ஸ்டார் பட்டத்தை கைப்பற்றிய ரச்சிதா ராம்
• 
  கந்தன் மலை படத்தின், கந்தன் மலையை தொட்டுப்பாரு பாடல் வெளியானது
• 
  'டியூட்' வினியோக நிறுவனம் மாறியது ?
• 
  ராஷ்மிகாவின் 'தி கேர்ள் பிரண்ட்' நவம்பர் 7 வெளியீடு