Dinamalar

25வது நாளில் 'வேட்டையன்', இன்றும் 'ஹவுஸ்புல்'

தசெ ஞானவேல் இயக்கத்தில், அனிருத் இசையமைப்பில், ரஜினிகாந்த், அமிதாப்பச்சன், பகத் பாசில் மற்றும் பலர் நடிப்பில் கடந்த மாதம் அக்டோபர் 10ம் தேதி வெளியான படம் 'வேட்டையன்'. என்கவுண்டர் பற்றிய படமாக அமைந்த இந்தப் படத்திற்கான விமர்சனங்கள் நன்றாக வந்தாலும், ரஜினியின் முழுமையான படமாக இல்லாமல் இருந்தது என்ற கருத்துக்களும் பரவியது.

ரஜினியின் வழக்கமான கமர்ஷியல் படங்களைக் காட்டிலும் இந்தப் படத்திற்கான வசூல் குறைவாகவே இருந்தது. கடந்த வருடம் அவர் நடிப்பில் வெளியான 'ஜெயிலர்' படம் 600 கோடியை வசூலித்தது. இந்தப் படத்தின் வசூலை நான்கு நாட்களுக்குப் பிறகு 240 கோடி வசூல் என அதிகாரப்பூர்வமாக அறிவித்தார்கள். அதன்பின் கடந்த இருபது நாட்களாக படத்தின் வசூல் என்னவென்பதை அறிவிக்கவில்லை.

இந்நிலையில் தற்போது படம் 25 நாட்களைக் கடந்துள்ளது. இந்த தீபாவளி விடுமுறையிலும் பல தியேட்டர்களில் ஹவுஸ்புல் காட்சிகளாக ஓடியுள்ளது. இன்றைய நாளில் கூட பல தியேட்டர்களில் ஹவுஸ்புல் தான் என்று தியேட்டர் வட்டாரங்களில் சொல்கிறார்கள்.

இப்படம் நவம்பர் 8ம் தேதி ஓடிடி தளத்தில் தமிழ், தெலுங்கு, ஹிந்தி, கன்னடம், மலையாளம் ஆகிய மொழிகளில் அமேசான் பிரைம் தளத்தில் வெளியாக உள்ளது. தியேட்டர்களை விடவும் ஓடிடி தளங்களில் அமோக வரவேற்பைப் பெறும் என்று எதிர்பார்க்கப்படுகிறது.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!
• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...

• 
  பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன்
• 
  பெண் குழந்தைக்கு தந்தையான ரெடின் கிங்ஸ்லி
• 
  துருவ நட்சத்திரம் : காத்திருக்கும் விக்ரம்
• 
  25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ...
• 
  அருண் விஜய் படத்திற்கு பாடல் பாடிய தனுஷ்