பின்னணி இசைக்கு தனி யூடியூப் சேனல் ஆரம்பித்த இளையராஜா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

27 அக், 2024 - 11:05 IST

எழுத்தின் அளவு:

இன்றைய டிஜிட்டல் யுகத்தில் யாருடைய பாடல் அதிகமாகக் கேட்கப்படுகிறது என்று கேட்டால் மறுபேச்சு பேசாமல் இளையராஜா என்றுதான் சொல்ல முடியும். அவரது இசையில் வெளிவந்த ஆயிரத்திற்கும் மேற்பட்ட படங்களின் பாடல்கள் யூடியூப், பேஸ்புக், எக்ஸ், இன்ஸ்டா ஆகிய தளங்களில் பல மில்லியன் பார்வைகளைப் பெற்றுள்ளது, தினமும் பெற்று வருகிறது.

தமிழ், தெலுங்கு, கன்னடம், மலையாளம், ஹிந்தி என அவருடைய பல பாடல்கள் அவருடைய அதிகாரப்பூர்வ யூடியூப் சேனல்களில் மட்டுமல்லாமல் பல்வேறு யூடியூப் சேனல்களிலும் இடம் பெற்றுள்ளது. அவற்றையெல்லாம் மொத்தமாக கணக்கிட்டால் அதன் விவரங்களைக் கணக்கிடவே சில வருடங்கள் ஆகலாம்.

பாடல்களில் தனி ரசனையைக் கொண்டு வந்த இளையராஜா பின்னணி இசையிலும் தனித்துவத்தைக் கொண்டு வந்தார். பல படங்களில் அவருடைய பின்னணி இசையும் படத்தின் ரசிப்புத்தன்மைக்கு மிக முக்கிய காரணமாக இருந்தது. அப்படியான பின்னணி இசையை எங்கெங்கிருந்தோ 'சுட்டு' சமூக வலைத்தளங்களில் பலரும் பரப்பி வந்தார்கள்.

ஆங்கிலத்தில் 'பிஜிஎம்' என சுருக்கமாக அழைக்கப்படும அந்த 'பேக்கிரவுண்ட் மியூசிக்' இசைக்காக தனி யூடியூப் சேனல் ஒன்றை ஆரம்பித்துள்ளார் இளையராஜா. அதன் அறிமுக வீடியோ ஒன்று நேற்று அந்த சேனலில் வெளியிடப்பட்டது. இனி அந்த சேனலில் அவருடைய திரைப்பட பின்னணி இசை தொகுப்புகள் அடுத்தடுத்து வெளியாகும் என்று எதிர்பார்க்கப்படுகிறது. இளையராஜாவின் ரசிகர்களுக்கு அது மகிழ்ச்சியைத் தந்துள்ளது.

தனது பாடல்களுக்கென ஏற்கெனவே 'இளையராஜா அபிஷியல்' என்ற சேனல் ஒன்றை நடத்தி வருகிறார் இளையராஜா.

Ilaiyaraaja

Ilaiyaraaja BGMs

Youtube Channel

BGM

கருத்துகள் (0) கருத்தைப் பதிவு செய்ய

நடிப்பில் 50 வருடங்கள், சிரஞ்சீவி ...

'இதயத்தை என்றென்றும் துளைக்கும்': ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய