Dinamalar

விஜய்யுடன் போட்டோ : பூஜாவை விட 'லைக்குகளை' அள்ளிய மமிதா

வினோத் இயக்கத்தில், அனிருத் இசையமைப்பில், விஜய்யின் 69வது படத்தின் பூஜை நேற்று சென்னையில் நடைபெற்றது. நிகழ்ச்சியில் விஜய், படத்தின் கதாநாயகி பூஜா ஹெக்டே, முக்கிய கதாபாத்திரத்தில் நடிக்கும் மமிதா பைஜு, வில்லனாக நடிக்க உள்ள பாபி தியோல் உள்ளிட்ட பலரும் கலந்து கொண்டனர்.

நேற்று பூஜை முடிந்த சில மணி நேரங்களில் அதன் புகைப்படங்களை படக்குழுவினர் வெளியிட்டனர். உடனடியாக சமூக வலைத்தளங்களில் அது வைரலானது. படத்தில் ரசிகர்களைக் கவரும் விதத்தில் இடம் பெற்றுள்ள பூஜா ஹெக்டே, மமிதா பைஜு இருவரும் விஜய்யுடன் இருக்கும் புகைப்படங்களை அவர்களது இன்ஸ்டா தளங்களில் பதிவிட்டனர்.

அதில் 27 மில்லியன் பாலோயர்களை வைத்துள்ள பூஜாவின் பதிவுக்கு 14 லட்சம் லைக்குகளும், வெறும் 3 மில்லியன் பாலோயர்களை மட்டுமே வைத்துள்ள மமிதாவின் பதிவுக்கு 16 லட்சம் லைக்குகளும் கிடைத்துள்ளன. இதன் மூலம் பூஜாவை விடவும் மமிதாவுக்குத்தான் அதிக லைக்குகள், வரவேற்பு என்பதை ரசிகர்கள் நிரூபித்துள்ளனர்.

விஜய்யுடன் 'பீஸ்ட்' படத்தில் இதற்கு முன்னர் பூஜா ஜோடியாகவே நடித்திருந்தாலும், விஜய்யுடன் முதன் முதலில் நடிக்க உள்ள மமிதாவை ரசிகர்கள் கொண்டாடுகிறார்கள். விஜய்க்கு மலையாள ரசிகர்கள் அதிகம் என்பதால் மலையாளியான மமிதாவின் பதிவுக்கு அவர்கள் அதிக லைக்குகள் போட்டுவிட்டார்கள் போலிருக்கிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பிளாஷ்பேக்: வெள்ளித்திரையில் வேற்று கிரகவாசிகளை காண்பித்த முதல் ...
• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்