Dinamalar

எதிர்பாராத தேசிய விருதை வென்ற நித்யா மேனன்

2022ம் ஆண்டில் வெளிவந்த படங்களுக்கான 70வது தேசிய விருதுகள் இன்று அறிவிக்கப்பட்டன. அந்த ஆண்டில் தமிழில் குறிப்பிடும்படியான விமர்சனத்தைப் பெற்ற படங்கள் என, “விக்ரம், கார்கி, திருச்சிற்றம்பலம், வெந்து தணிந்தது காடு, பொன்னியின் செல்வன் 1, லவ் டுடே” மற்றும் ஓடிடியில் வெளிவந்த 'மஹான், சாணி காயிதம்' ஆகிய படங்களைச் சொல்லலாம்.

தியேட்டர்களில் ஓடினாலும், ஓடாவிட்டாலும், ஓடிடி தளங்களில் வரவேற்பைப் பெற்றாலும் பெறாவிட்டாலும் சில படங்கள் ஏதோ ஒரு விதத்தில் தரமான படங்களாக இருக்கும். அப்படியான சில படங்கள்தான் மேலே குறிப்பிட்ட படங்கள்.

அவற்றில் சிறந்த நடிகைகக்கான தேசிய விருதை நித்யா மேனன் பெறுவார் என யாருமே எதிர்பார்க்கவில்லை. ஆச்சரியமானதாக இருந்தாலும் பொருத்தமான விருது என்று மனதாராப் பாராட்டலாம்.

அப்படத்தில் தனுஷ் வீட்டின் குடியிருப்பிலேயே நித்யாவின் வீடும் இருக்கும். இருவரும் சிறு வயதிலிருந்தே நட்பாகப் பழகி வருவார்கள். அம்மா இல்லாத ஒரு அரவணைப்பு, பாசம், எண்ணங்களைப் பகிர்வது என அனைத்தையும் நித்யாவிடம் பகிர்வார் தனுஷ். சொல்லப் போனால், அவர் காதலிக்கும் பெண்களைப் பற்றிக் கூடச் சொல்வார். தன் மனதில் தனுஷ் மீது காதல் இருந்தாலும் அதை அவரிடம் சொல்லாமல் மறைத்து தனுஷின் காதலுக்காக உதவி செய்வார் நித்யா மேனன். அப்படி ஒரு தோழி நமக்குக் கிடைக்க மாட்டாரா என படம் பார்த்தவர்களையும் ஏங்க வைத்தது நித்யாவின் நடிப்பு. அந்த அளவிற்கு யதார்த்தமாய், ஷோபனா கதாபாத்திரத்தில் நடித்திருப்பார்.

மலையாளம், கன்னடம், தெலுங்கு ஆகிய மொழிகளில் நடித்தாலும் தமிழில் அவ்வப்போது மட்டுமே நடிக்க வருவார். மலையாளத்திலிருந்து வந்த நடிகையாக இருந்தாலும் ஒரு தமிழ்ப் படம் தான் அவருக்கு முதல் முறையாக தேசிய விருதைப் பெற்றுத் தந்துள்ளது.

தனுஷ் அடுத்த இயக்கி நடிக்க உள்ள படத்தில் நித்யா மேனன் தான் கதாநாயகி என்பது கூடுதல் தகவல்.

• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா

• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி
• 
  விமல் நடிக்கும் புதிய படம் ‛வடம்'
• 
  விருதே வாழ்த்திய தருணம் : ஹரிஷ் கல்யாண் நெகிழ்ச்சி