Dinamalar

'விடுதலை 2'க்கு பேருதவியாக அமைந்த 'மகாராஜா' வெற்றி

வெற்றிமாறன் இயக்கத்தில், இளையராஜா இசையைமப்பில் சூரி, விஜய் சேதுபதி, பவானிஸ்ரீ, கவுதம் மேனன் மற்றும் பலர் நடிப்பில் கடந்த 2023ம் வருடம் மார்ச் மாதம் 31ம் தேதி வெளியான படம் 'விடுதலை 1'. நிஜக் கதைகளின் அடிப்படையில் உருவாக்கப்பட்ட படம் என்று சொல்லப்பட்டது. ரசிகர்களின் வரவேற்பைப் பெற்ற அப்படம் 50 நாட்களைக் கடந்து ஓடி லாபகரமான வசூலையும் பெற்றது.

அப்படத்தின் இரண்டாம் பாகம் கடந்த வருடக் கடைசியிலேயே வெளியாகும் என்று சொன்னார்கள். ஆனால், முதல் பாகம் வெளிவந்து இத்தனை மாதங்கள் கடந்த பிறகும் வெளியாகவில்லை. இரண்டாம் பாகத்தில் 'அசுரன்' நடிகை மஞ்சு வாரியர் நடிக்கிறார். இவரது கதாபாத்திரம் புதிதாக சேர்க்கப்பட்டுள்ளது. இன்னும் சில நாட்கள் படப்பிடிப்பு நடைபெற வேண்டும் என்ற ஒரு தகவலும் இப்படம் பற்றி இருக்கிறது.

இதனிடையே சில நாட்களுக்கு முன்பு 'விடுதலை 2' படத்தின் முதல் பார்வை போஸ்டரை வெளியிட்டுள்ளார்கள். விஜய் சேதுபதி நடித்து கடைசியாக வெளிவந்த 'மகாராஜா' படம் வெற்றிப் படமாக அமைந்தது. தற்போது ஓடிடி தளத்தில் அந்தப் படம் டாப் டிரெண்டிங்கில் இருந்து வருகிறது.

இந்த சந்தர்ப்பத்தைப் சாதகமாக்க 'விடுதலை 2' முதல் பார்வையை வெளியிட்டுள்ளதாகத் தெரிகிறது. 'மகாராஜா'வின் வெற்றியால் 'விடுதலை 2' படத்திற்கு வியாபார வட்டாரங்களில் இப்போதே எதிர்பார்ப்பு அதிகமாகியுள்ளதாம். அதனால், படத்தை விரைவில் வெளியிட வேண்டும் என்ற கோரிக்கையும் எழுந்துள்ளதாம்.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  ஓடிடியில் இந்தவாரம் ரிலீஸ் என்ன...
• 
  பிரபுதேவாவின் வெப்தொடரின் பெயர் என்ன
• 
  அக்., 31ல் விஷ்ணு விஷாலின் ‛ஆர்யன்' ரிலீஸ்
• 
  பிளாக் மெயில் படத்தின் புதிய ரிலீஸ் தேதி அறிவிப்பு
• 
  தெலுங்கு திரையுலகை விட்டு ஒதுங்கியது ஏன்? : கமாலினி முகர்ஜி