Dinamalar

‛படையப்பா' ரீ-ரிலீஸாகிறது : ரஜினியை சந்தித்து பேசிய பிஎல் தேனப்பன்

தமிழ் சினிமாவில் இப்போது ரீ-ரிலீஸ் டிரெண்ட் சீசன். ஏற்கனவே மக்கள் மத்தியில் வரவேற்பை பெற்ற படங்களை மறு வெளியீடு செய்து கல்லா கட்டி வருகின்றனர். சமீபத்தில் விஜய்யின் ‛கில்லி' படம் மறு வெளியீடு செய்யப்பட்டு 25 நாட்களை கடந்து ஓடியதுடன் சுமார் ரூ.30 கோடி வசூலை குவித்தது. புதிய படங்கள் செய்யாத வசூலை இந்தப்படம் செய்தது.

இந்நிலையில் ரஜினியின் சூப்பர் ஹிட் படங்களில் ஒன்றான ‛படையப்பா' படம் மீண்டும் ரிலீஸாக உள்ளது. 1999ல் கேஎஸ் ரவிக்குமார் இயக்கத்தில் சிவாஜி கணேசன், ரஜினி, சவுந்தர்யா, ரம்யா கிருஷ்ணன், செந்தில், நாசர், ராதாரவி, லெட்சுமி, ரமேஷ் கண்ணா உள்ளிட்டோர் நடிப்பில் வெளியான படம் ‛படையப்பா'.

ரஜினியின் அதிரடி நடிப்பு, ஸ்டைல் மற்றும் ரம்யா கிருஷ்ணனின் நீலாம்பரி கதாபாத்திரம் இன்றளவும் பேசப்படுகிறது. ஏஆர் ரஹ்மான் இசையில் வெளியான பாடல்கள் அதிரடி வெற்றி பெற்றன. இந்த படத்தை சத்ய நாராயணா, விட்டல் பிரசாத் உள்ளிட்டோர் உடன் தயாரிப்பாளர் பிஎல் தேனப்பனும் இணைந்து தயாரித்து இருந்தார்.

இந்த படத்தை ரீ-ரிலீஸ் செய்வது தொடர்பாக ரஜினியை சந்தித்து பேசி உள்ளார் தேனப்பன். சமீபத்தில் கோகுலம் ஸ்டுடியோவில் வேட்டையன் படப்பிடிப்பு தளத்தில் ரஜினியை சந்தித்தார் தேனப்பன். இருவரும் சினிமா தொடர்பாக பல விஷயங்களை பரிமாறிக் கொண்டனர். அப்போது படையப்பா ரீ-ரிலீஸ் பற்றியும் தேனப்பன் பேசினார். ரஜினியும் மகிழ்ச்சியாக தாரளமாக செய்யுங்கள் என தெரிவித்துள்ளார்.
‛‛26 ஆண்டுகளுக்கு பின் ரஜினியை சந்தித்தது மகிழ்ச்சி. பாசத்திலும், நட்பிலும், மரியாதையிலும் துளியும் அவர் குறையவில்லை, அப்படியே தான் இருக்கிறார்'' என்கிறார் தேனப்பன்.

விரைவில் படையப்பா படத்தின் ரீ-ரிலீஸ் தேதி உடன் அறிவிப்பு வெளியாகும் என எதிர்பார்க்கப்படுகிறது.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு