Dinamalar

காந்தியின் வாழ்க்கை தொடரில் இணைந்த ஹாலிவுட் நடிகர்கள்

இந்தியாவின் தந்தை மகாத்மா காந்தியின் வாழ்க்கை பல திரைப்படங்களாக ஏற்கனவே தயாராகி உள்ளது. நூற்றுக் கணக்கான ஆவணப் படங்கள் வெளிவந்துள்ளது. ரிச்சர்ட் அட்டன்பரோ இயக்கிய 'காந்தி' படம்தான் இதில் முதன்மை வகிக்கிறது. 8 ஆஸ்கர் விருதுகளை வென்ற ஹாலிவுட் படம் இது.
இந்த நிலையில் மகாத்மா காந்தியின் வாழ்க்கை வரலாறு வெப் தொடராக தயாராக உள்ளது. இந்த தொடரில் காந்தி வேடத்தில் பிரதிக் காந்தி நடிக்கிறார். மற்ற கதாபாத்திரங்களில் வெளிநாட்டு நடிகர்கள் பலர் நடிக்க உள்ளனர். அந்த பட்டியல் தற்போது வெளியிடப்பட்டுள்ளது.

'ஹாரிபாட்டர்' படத்தில் நடித்து புகழ்பெற்ற டாம் பெல்டன், காந்தி வாழ்க்கை தொடரில் முக்கிய கதாபாத்திரத்தில் நடிக்க இருப்பதாக அறிவிக்கப்பட்டு உள்ளது. ஹாலிவுட் நடிகர்களான ஜோன்னோ டேவிஸ், சைமன்லெனான், லிபி மாய், மோலி ரைட், ரால்ப் அடேனி, ஜேம்ஸ் முர்ரேன், லிண்டன் அலெக்சாண்டர் ஆகியோரும் நடிக்கின்றனர்.

இந்த தொடரை ஹன்சல் மேத்தா டைரக்டு செய்கிறார். இது பற்றி அவர் கூறும்போது, “காந்தி தொடரில் திறமையான நடிகர்களுடன் சேர்ந்து பணியாற்றுவது மகிழ்ச்சி. சர்வதேச அளவில் தொடரை கொண்டு செல்லவே இந்த முடிவை எடுத்து இருக்கிறோம். லண்டன், தென்னாப்பிரிக்காவில் காந்தி வளர்ந்தது உள்பட இதுவரை யாரும் அதிகம் அறியாத விஷயங்கள் தொடரில் இருக்கும். இந்த தொடரை இயக்குவது எனக்கு பெருமையாக உள்ளது" என்றார்.

• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்

• 
  லோகேஷ் கனகராஜ் ஜோடியாகும் ‛ஜெயிலர்' பட நடிகை
• 
  15வது திருமண நாளை கொண்டாடிய சிவகார்த்திகேயன் - ஆர்த்தி
• 
  ஹன்சிகாவின் விநாயகர் சதுர்த்தி கொண்டாட்டம்
• 
  டூரிஸ்ட் பேமிலி இயக்குனருக்கு ஜோடியான அனஸ்வரா ராஜன்
• 
  கோலி சோடா தொடர்ச்சி... புதிய பாகத்தின் தலைப்பு அறிவிப்பு