Dinamalar

துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத்

பாலிவுட் நடிகர் சஞ்சய் தத், கன்னடத்தில் வெளியான கேஜிஎப் 2 படத்தில் அவரது நடிப்புக்கு கிடைத்த வரவேற்பை தொடர்ந்து சமீபகாலமாக தென்னிந்திய படங்களில் கவனம் செலுத்தி நடித்து வருகிறார். கடந்த வருடம் விஜய்யுடன் இணைந்து லியோ படத்தில் நடித்த சஞ்சய் தத் தற்போது தெலுங்கில் டபுள் ஐ-ஸ்மார்ட் படத்திலும், கன்னடத்தில் கேடி தி டெவில் என்கிற படத்திலும் நடித்து வருகிறார்.

இந்த நிலையில் மறைந்த பிரபல கன்னட நடிகர் சிரஞ்சீவி சார்ஜாவின் சகோதரரும், நடிகருமான துருவா சார்ஜா வீட்டு விசேஷத்தில் தனது குடும்பத்தினருடன் கலந்து கொண்டார் சஞ்சய் தத். சில மாதங்களுக்கு முன்பு துருவா சார்ஜாவுக்கு ஆண் குழந்தை பிறந்தது. தற்போது அதற்கு பெயர் சூட்டும் விழாவை பெங்களூருவில் உள்ள தனது இல்லத்தில் நடத்தினார் துருவா சார்ஜா.

இந்த நிகழ்வில் தான் சஞ்சய் கலந்து கொண்டார். தற்போது கன்னடத்தில் சஞ்சய் தத் நடித்துள்ள கேடி டெவில் படத்தில் கதாநாயகனாக நடித்திருப்பவர் துருவா சார்ஜா தான். அந்த நட்பின் அடிப்படையில் தான் சஞ்சய் தத் இந்த நிகழ்வில் கலந்து கொண்டுள்ளார். மேலும் துருவா சார்ஜாவின் மாமாவான நடிகர் அர்ஜுநும் இந்த நிகழ்வில் தனது குடும்பத்தினருடன் கலந்து கொண்டார் என்பதும் லியோ படத்திற்கு பிறகு இந்த நிகழ்வின் மூலம் சஞ்சய் தத்தும் அர்ஜுனும் ஒன்றாக சந்தித்துக் கொண்டனர் என்பதும் குறிப்பிடத்தக்கது.

• 
  9 படங்களில் நடிக்கும் நயன்தாரா : இந்தியாவிலே இவர்தான் டாப்
• 
  ரீ ரிலீஸ் படங்கள் முடிவுக்கு வருகிறதா?
• 
  சர்வர் வேலை சாதாரணமானது இல்லை : இயக்குனர் கே.பாக்யராஜ் சொன்ன கதை
• 
  நயன்தாரா பிறந்தநாளுக்கு ரோல்ஸ் ராய்ஸ் கார் பரிசளித்த விக்னேஷ் சிவன்
• 
  பிளாஷ்பேக்: நட்பின் ஆழம் பேசிய “எங்கள் தங்கம்” படப் பாடல்கள்

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்