Dinamalar

தேர்தலுக்குப் பிறகு அதிரடி ரிலீஸ் ஆரம்பம்

2024ம் ஆண்டின் கடந்து போன மூன்று மாதங்களில் தமிழ் சினிமாவில் மாபெரும் வெற்றி, சாதனை வசூல், சிறப்பான வரவேற்பு என்று சொல்லும்படியான படங்கள் ஒன்று கூட வரவில்லை. 60 படங்கள் வந்தாலும் திரையுலகினருக்கும், ரசிகர்களுக்கும் ஆறுதல் தரும் படம் எதுவும் இல்லை என்பது வருத்தமே.

தற்போது தேர்தல் பிரச்சாரம், ஐபிஎல் போட்டிகள், தேர்வுகள் என போய்க் கொண்டிருக்கிறது. அதனால், மக்கள் தியேட்டர்கள் பக்கம் வர யோசிக்கிறார்கள் என்ற பொதுவான கருத்து உள்ளது. ஏப்ரல் 19ம் தேதி நடைபெற உள்ள லோக் சபா தேர்தலுக்கு முன்பாகவே தேர்வுகள் முடிந்துவிடும், தேர்தல் பிரச்சாரமும் முடிந்துவிடும். எஞ்சியிருப்பது ஐபிஎல் போட்டிகள்தான். அதுவும் இரவு நேரங்களில்தான் நடக்கப் போகிறது.

எனவே, ஏப்ரல் 19ம் தேதிக்குப் பிறகு புதிய படங்களை வெளியிட தயாராகி வருகிறார்கள் திரையுலகினர். ஏப்ரல் 26ம் தேதி விஷால் நடித்துள்ள 'ரத்னம்' வெளியாகும் என்று ஏற்கெனவே அறிவித்துவிட்டார்கள். அப்படத்துடன் தமன்னா, ராஷிகண்ணா நடித்துள்ள 'அரண்மனை 4,' சந்தானம் நடித்துள்ள 'இங்கு நான்தான் கிங்கு' ஆகிய படங்களை வெளியிட திட்டமிட்டு வருகிறார்களாம்.

மே மாத கோடை விடுமுறையில் இன்னும் சில பல பெரிய படங்களையும் வெளியிட வாய்ப்புகள் உள்ளது என கோலிவுட் வட்டாரங்களில் தெரிவிக்கிறார்கள். இன்னும் ஒரு வாரத்தில் பல படங்களின் வெளியீடு பற்றிய அப்டேட்டுகள் வெளியாகலாம் எனத் தெரிகிறது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  ரவுடி சோடா பாபுவாக மாறிய அல்போன்ஸ் புத்திரன்
• 
  கமலை தொடர்ந்து நான்கு வேடங்களில் நடிக்கும் அல்லு அர்ஜுன்
• 
  எம்ஜிஆர் உடன் 26 ; சிவாஜி உடன் 22 படங்கள் : தமிழ் சினிமாவை கலக்கிய ‛கன்னடத்து ...
• 
  பயணம் எளிதல்ல! ; மங்காத்தா நடிகைக்கு அஜித் சொன்ன அட்வைஸ்
• 
  பழம்பெரும் நடிகையான ‛கன்னடத்து பைங்கிளி' சரோஜாதேவி காலமானார்