பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
மறைந்த நடிகர் விஜயகாந்த்தின் மகன் சண்முக பாண்டியன் சினிமாவில் கதாநாயகனாக 'சகாப்தம்' படம் மூலம் அறிமுகமானார். ஆனால், அந்தப் படம் வெற்றி பெறவில்லை. அவரால் இன்னும் ஒரு கதாநாயகனாக குறிப்பிடத்தக்க வெற்றியைப் பதிவு செய்ய முடியவில்லை.
விஜயகாந்த் உச்சத்தில் இருந்த போது விஜய், சூர்யா ஆகியோரது படங்களில் சிறப்புத் தோற்றத்தில் நடித்து உதவி செய்தார் என்பதை பலரும் நினைவு கூர்ந்தனர். அது போல விஜய் செய்திருக்க வேண்டும் என விஜயகாந்த் மறைவின் போது கூட சர்ச்சை எழுந்தது.
இந்நிலையில் விஜயகாந்த் மகன் சண்முக பாண்டியன் படத்தில் சிறப்புத் தோற்றத்தில் நடிக்கத் தயார் என நடிகர் ராகவா லாரன்ஸ் வீடியோ பதிவின் மூலம் அறிவித்துள்ளார்.
சமீபத்தில் விஜயகாந்த் வீட்டிற்குச் சென்று அஞ்சலி செலுத்திய போது விஜயகாந்த் மனைவி பிரேமலதாவின் தங்கை தன்னைப் பார்த்து “தம்பி ஹீரோவா பண்ணிட்டிருக்காரு, நீங்களாம்தான் பார்த்துக்கணும்,” என சொன்னார்கள். அது என்னை என்னவோ செய்தது, ஒரு மாதிரியாக இருந்தது. ஏதோ ஒன்று செய்ய வேண்டும் என்று எண்ணினேன்.
நிறைய ஹீரோக்கள் நடிக்கிற படத்துல வந்து விஜயகாந்த் சார், கெஸ்ட் ரோல் பண்ணுவாரு, பைட் பண்ணுவாரு, சாங் பண்ணுவாரு. மத்தவங்களை வளர்த்து விடறதுல அவருக்கு ஒரு சந்தோஷம். நானும் அவர் கூட 'கண்ணுபடப் போகுதய்யா' படத்துல 'மூக்குத்தி முத்தழகு' படத்துக்கு நடனம் அமைச்சி கொடுத்திருக்கேன்.
அவர் பையன் படம் ரிலீஸ் ஆகும் போது இறங்கி பப்ளிசிட்டி பண்ணலாம்னு இருக்கேன். அந்த படக்குழுவினர் ஒத்துக்கிட்டாங்கன்னா, நான் பைட்டோ, சீனோ, சாங்கோ கெஸ்ட் ரோல்ல பண்ணலாம்னு இருக்கேன். யாராவது ரெண்டு ஹீரோ சப்ஜெக்ட் இருந்தால் கூட சொல்லுங்க, சண்முக பாண்டியன் தம்பி கூட சேர்ந்து பண்ண தயாரா இருக்கேன். அவங்க குடும்பத்துக்கு நாம ஏதாவது பண்ணணும்னா இதுதான் பண்ணணும்னு தோணிச்சி, அதான் உங்க கூட ஷேர் பண்றேன்,” என அந்த வீடியோவில் பேசியுள்ளார்.