Dinamalar

ரன்பீர் கபூருக்கு சூப்பர் ஸ்டார் பட்டம் கொடுத்தது ஏன்? - இயக்குனர் விளக்கம்

சந்தீப் ரெட்டி வங்கா ஹிந்தியில் ரன்பீர் கபூர் நடிப்பில் அனிமல் என்கிற படத்தை இயக்கியுள்ளார். இதில் கதாநாயகியாக ராஷ்மிகா மந்தனா நடித்துள்ளார். டிச., 1ல் படம் வெளியாகி ஹிந்தி ரசிகர்களிடம் மட்டும் வரவேற்பை பெற்றுள்ளது. முதல்நாளில் 116 கோடி வசூலித்தது.

சமீபத்தில் வெளியிடப்பட்ட இந்த படத்தின் போஸ்டரில் சூப்பர் ஸ்டார் என்கிற அடைமொழியுடன் ரன்பீர் கபூரின் பெயர் குறிப்பிடப்பட்டிருந்தது. இது குறித்து ஒரு பேட்டியில் சந்தீப் ரெட்டி வங்கா கூறும்போது, “ரன்பீர் கபூரை இதுநாள் வரை பலரும் ஒரு சாக்லேட் பாயாக தான் பார்த்து வந்திருக்கிறார்கள். ஆனால் அவரது ராக் ஸ்டார் படத்தைப் பார்த்தபோது அவர் ஆக்ஷனுக்கும், வன்முறைக்கும் சரியான ஒரு நபர் என்பதை நான் தெரிந்து கொண்டேன்.

இந்த படத்தின் போஸ்டரை வெளியிடும்போது அதில் அவருக்கு சூப்பர் ஸ்டார் என்கிற பட்டத்தை கொடுத்து வெளியிட வேண்டும் என நானும் தயாரிப்பாளர் தரப்பும் விரும்பினோம். ஆனால் ரன்பீர் கபூர் அப்படி போடுவதற்கு திட்டவட்டமாக மறுத்துவிட்டார். ஆனாலும் வெறும் போஸ்டரில் மட்டும் தான் எங்கள் விருப்பத்திற்காக இப்படி செய்கிறோம் என்று அவரை சமாதானப்படுத்தி அந்த போஸ்டரை வெளியிட்டோம்” என்று கூறியுள்ளார்.

சூப்பர் ஸ்டார் பட்டம் பாலிவுட் வரை பரபரப்பை ஏற்படுத்தி உள்ளதை இதன் மூலம் பார்க்க முடிகிறது.

• 
  நாகார்ஜுனாவின் 100வது படத்தில் இணையும் நாகசைதன்யா - அகில்
• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்
• 
  பெண்கள் அரசியல் கூட்டங்களுக்கு செல்லக்கூடாது: அம்பிகா அட்வைஸ்
• 
  நயன்தாரா வீட்டுக்கு வெடிகுண்டு மிரட்டல்
• 
  பிளாஷ்பேக்: மம்பட்டியான் பாணியில் உருவான 'கரிமேடு கருவாயன்'

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்