Dinamalar

'துருவ நட்சத்திரம்' - தவிர்க்கிறாரா விக்ரம்?

சினிமாவில் ஒவ்வொரு படமும் வெளிவருவதற்குள் பல சிக்கல்களை சந்தித்தே வெளிவருகிறது. ஒரு சில படங்கள் மட்டுமே எந்த சிக்கலும் இல்லாமல் வெளிவருகிறது.

கவுதம் மேனன் இயக்கத்தில் விக்ரம் கதாநாயகனாக நடித்துள்ள 'துருவ நட்சத்திரம்' படம் நவம்பர் 24ம் தேதி வெளியாவதாக அறிவிக்கப்பட்டது. அப்படத்திற்காக இயக்குனர் கவுதம் மேனன் மட்டுமே புரமோஷன் செய்து வருகிறார்.


படத்தின் நாயகனான விக்ரம் இதுவரை இப்படம் குறித்து எந்தவிதமான பதிவுகளையும் அவரது சமூக வலைத்தளத்தில் போடவில்லை. ஜனவரி மாதம் வெளியாக உள்ள 'தங்கலான்' படத்தைப் பற்றி மட்டுமே பதிவிடும் விக்ரம் 'துருவ நட்சத்திரம்' படம் சார்ந்த பதிவுகளைத் தவிர்ப்பது ஏன் என்று தெரியவில்லை.

சமீபத்தில் கவுதம் மேனன் அளித்த பேட்டியில் கூட அடுத்தடுத்த பாகங்களை எடுப்பேன் என்றார். அதில் விக்ரம் தானே நடித்தாக வேண்டும். அப்படியிருக்க விக்ரம் இந்தப் படத்தைப் பற்றி பேசாதது ஆச்சரியத்தை ஏற்படுத்துவதாக உள்ளது.

நேற்று இப்படத்தின் பத்திரிகையாளர் சந்திப்பு நடைபெறுவதாக இருந்தது. ஆனால், திடீரென ரத்து செய்துவிட்டனர். படத்தின் தமிழக வினியோக உரிமை வியாபாரம் இன்னும் முடிவடையவில்லை என கோலிவுட்டில் தெரிவிக்கிறார்கள். அதையும், சாட்டிலைட், ஓடிடி வியாபாரங்களையும் முடித்த பிறகுதான் பட வெளியீடு குறித்த உண்மை நிலவரம் தெரிய வரும் என்கிறார்கள்.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!