Dinamalar

தமிழில் 400 கோடியைக் கடந்த படங்கள்

தமிழ் சினிமா வரலாற்றில் 100 கோடி வசூல் என்பதை முதன் முதலில் ஆரம்பித்து வைத்த படம் ரஜினிகாந்த் நடித்து 2007ல் வெளிவந்த 'சிவாஜி'. அதன்பின் சுமார் 40 படங்கள் 100 கோடி வசூலைத் தொட்டுள்ளன.

இப்போது 100 கோடி வசூல் என்பதை விடவும் 400 கோடி, 500 கோடி வசூல் என்பதுதான் வசூலில் மைல்கல்லாக மாறிவிட்டது. கடந்த சில வருடங்களில் 400 கோடி வசூல் என்பது குறிப்பிடும்படி நடந்துள்ளது.

தமிழ் சினிமாவில் முதன் முதலில் 500 கோடி வசூல் என்பதையும் ஆரம்பித்து வைத்தவர் ரஜினிகாந்த். அவரது நடிப்பில் வெளிவந்த '2.0' படம் 600 கோடிக்கும் அதிகமான வசூலைக் கடந்த ஒரே தமிழ்ப் படம். அந்த வசூலை இதுவரை எந்த ஒரு தமிழ்ப் படமும் முறியடிக்கவில்லை.

2002ல் வெளிவந்த 'பொன்னியின் செல்வன்' முதல் பாகம் 500 கோடி வசூலைக் கடந்தது. கமல்ஹாசன் நடித்து வெளிவந்த 'விக்ரம்' படம் 400 கோடி வசூலைக் கடந்தது. இந்த வருடம் ரஜினிகாந்த் நடித்து வெளிவந்த 'ஜெயிலர்' படம் 550 கோடியை கடந்த நிலையில் தற்போது விஜய் நடித்து கடந்த வாரம் வெளிவந்த 'லியோ' படமும் 400 கோடி வசூலைக் கடந்துள்ளது.

100 ஆண்டு தமிழ் சினிமா வரலாற்றில் “2.0, பொன்னியின் செல்வன் 1, விக்ரம், ஜெயிலர், லியோ' ஆகிய 5 படங்கள் 400 கோடி வசூலைக் கடந்துள்ளன. இதில் 'லியோ' படம் 500 கோடி வசூலைக் கடக்கும் என்று எதிர்பார்க்கப்படுகிறது. '2.0' வசூலான 600 கோடி வசூலையும் கடக்குமா என்பது போகப் போகத்தான் தெரியும்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  அஜித் பிறந்த நாளில் 'வீரம்' மறு வெளியீடு
• 
  உடல்நலக்குறைவு எதனால் ஏற்பட்டது : ஏ.ஆர்.ரஹ்மான் வெளியிட்ட தகவல்
• 
  'மணி ஹெய்ஸ்ட்' பாதிப்பில் உருவானது கேங்கர்ஸ்: சுந்தர்.சி
• 
  பிளாஷ்பேக்: 100 படங்களுக்கு மேல் குழந்தை நட்சத்திரமாக நடித்த சுலக்ஷனா
• 
  பிளாஷ்பேக்: குருவாயூரப்பனை எழுப்பும் லீலாவின் குரல்