Dinamalar

நிதி அகர்வாலுக்கு ஜாக்பாட்: பிரபாஸ் ஜோடியாகிறார்

'முன்னா மைக்கேல்' என்ற பாலிவுட் படத்தில் அறிமுகமானர் நிதி அகர்வால். அதன்பிறகு தெலுங்கில் சில படங்களில் நடித்த இவர், சிம்பு நடிப்பில் 'ஈஸ்வரன் ' படத்தின் மூலம் தமிழுக்கு வந்தார். ஜெயம் ரவி ஜோடியாக 'பூமி' படத்தில் நடித்தார். இரண்டு படமும் தோல்வி அடைந்ததால் அதன்பிறகு வாய்ப்பு இன்றி இருந்த நிதி அகர்வால் கடந்த ஆண்டு 'கலகத்தலைவன்' படத்தில் நடித்தார். தற்போது பவன் கல்யாண் ஜோடியாக 'ஹரி ஹர வீரமல்லு' படத்தில் நடித்து வருகிறார்.

இந்த நிலையில் அவர் பிரபாஸ் ஜோடியாக நடிக்க இருக்கிறார். கடந்த ஒரு வருடமாகவே இந்த தகவல் ஓடிக்கொண்டிருந்தாலும் இப்போது அது உறுதி செய்யப்பட்டிருக்கிறது. முன்னணி தெலுங்கு இயக்குனரான மாருதி தற்போது 'ராஜா டீலக்ஸ்' என்ற படத்தை இயக்க இருக்கிறார். இவர் ஏற்கெனவே பாபு பங்காரம், 3 ரோசஸ், பக்கா கமரிக்கல், பிராண்ட் பாபு, லவ்வர்ஸ், கிரீன் சிக்னல் உள்ளிட்ட பல படங்களை இயக்கியவர்.

தற்போது அவர் இயக்கும் ராஜா டீலக்ஸ் படத்தில் பிரபாஸ் நடிக்கிறார். அவருக்கு ஜோடியாக நடிப்பது யார்? என்ற கேள்வி இருந்தது. இந்த நிலையில் சமீபத்தில் தனது 30வது பிறந்த நாளை கொண்டாடிய நிதி அகர்வாலுக்கு டுவிட்டரில் வாழ்த்து தெரிவித்திருந்தார். அதோடு "உங்களின் எதிர்கால முயற்சிகளுக்கு வாழ்த்துகள். விரைவில் உங்களை படப்பிடிப்பில் சந்திக்கிறேன் என்று குறிப்பிட்டிருக்கிறார். இதன் மூலம் ராஜா டீலக்ஸ் படத்தில் நிதி அகர்வால் நடிப்பது உறுதியாகி இருக்கிறது.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  பூஜா ஹெக்டேவுக்கு என்னதான் ஆச்சு ?
• 
  ரவிக்குமார் இயக்கத்தில் நடிக்கும் சூரி
• 
  பாட்டி மறைவு : அல்லு அர்ஜூன் உருக்கம்
• 
  தெரு நாய் தொடர்பான விவாத நிகழ்ச்சி : மன்னிப்பு கேட்டார் படவா கோபி
• 
  டிசம்பரில் திரைக்கு வரும் வா வாத்தியார்: அதிகாரப்பூர்வ அறிவிப்பு!