Dinamalar

வெளிநாடுகளில் 105 கோடி வசூலைக் கடந்த 'ஜெயிலர்'

ரஜினிகாந்த் நடித்து கடந்த வாரம் ஆகஸ்ட் 10ம் தேதி வெளிவந்த 'ஜெயிலர்' படத்திற்கு உள்நாட்டில் மட்டுமல்லாது வெளிநாடுகளிலும் நல்ல வரவேற்பு கிடைத்துள்ளது. கடந்த நான்கு நாட்களில் மட்டும் இப்படம் அங்கெல்லாம் 105 கோடி வசூலைக் கடந்துள்ளதாக படத்தை வெளியிட்டுள்ள ஐங்கரன் இன்டர்நேஷனல் அதிகாரப்பூர்வமாக அறிவித்துள்ளது.

அமெரிக்காவில் படத்தை வெளியிட்டுள்ள பிரைம் மீடியா நிறுவனம் அங்கு 'ஜெயிலர்' படத்தின் வசூல் 4 மில்லியன் யுஎஸ் டாலர், அதாவது இந்திய ரூபாய் மதிப்பில் 33 கோடி ரூபாயை வசூலித்துள்ளதாக அறிவித்துள்ளது.

இதர நாடுகளில் உள்ள வினியோகஸ்தர்கள் பட வசூலை அதிகாரப்பூர்வமாக அறிவிக்கவில்லை என்றாலும் வசூல் தொகை பற்றிய தகவல்கள் கிடைத்துள்ளது. அமெரிக்காவை அடுத்து அரேபிய நாடுகளில் 32 கோடி, மலேசியாவில் 17 கோடி, ஐரோப்பா மற்றும் இலங்கையில் 13 கோடி, இங்கிலாந்து, ஐயர்லாந்து நாடுகளில் 8 கோடி, சிங்கப்பூரில் 8 கோடி, ஆஸ்திரேலியாவில் 6 கோடி, கனடாவில் 6 கோடி, சவூதி அரேபியாவில் 3 கோடி, ஆஸ்திரேலியாவில் 6 கோடி, நியூசிலாந்தில் 70 லட்சம் வரையில் வசூலித்திருக்கிறதென தகவல் வெளியாகி உள்ளது.

இந்திய அளவில் தமிழகத்தில் 85 கோடி, தெலுங்கில் 35 கோடி, கர்நாடகாவில் 32 கோடி, கேரளாவில் 24 கோடி, வட இந்தியாவில் 5 கோடி என மொத்தமாக உலக அளவில் 310 கோடியைக் கடந்திருக்கிறது என பாக்ஸ் ஆபீஸ் வட்டாரத் தகவல்கள் தெரிவிக்கின்றன.

கடந்த வருடம் கமல்ஹாசன் நடித்து வெளிவந்த 'விக்ரம்' படத்தின் வசூலை 'ஜெயிலர்' முறியடிக்குமா என்பதே இப்போது ரஜினி, கமல் ரசிகர்களிடையிலான சமூக வலைத்தள சண்டையாக இருந்து வருகிறது.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  ரெட்ரோ டிரைலர் : விதவிதமாய் 'குக்' செய்துள்ள கார்த்திக் சுப்பராஜ்
• 
  அஜித் பிறந்த நாளில் 'வீரம்' மறு வெளியீடு
• 
  உடல்நலக்குறைவு எதனால் ஏற்பட்டது : ஏ.ஆர்.ரஹ்மான் வெளியிட்ட தகவல்
• 
  'மணி ஹெய்ஸ்ட்' பாதிப்பில் உருவானது கேங்கர்ஸ்: சுந்தர்.சி
• 
  பிளாஷ்பேக்: 100 படங்களுக்கு மேல் குழந்தை நட்சத்திரமாக நடித்த சுலக்ஷனா