Dinamalar

குடிக்க வேண்டாம் என்று சொல்லிய ரஜினி 'சுருட்டு' பிடித்தது சரியா? - சமூக ஆர்வலர்கள் கேள்வி

நெல்சன் இயக்கத்தில் ரஜினிகாந்த் நடித்துள்ள 'ஜெயிலர்' படம் நேற்று முன்தினம் உலகம் முழுவதும் வெளியானது. திரைப்படங்களில் புகை பிடிப்பது, குடிப்பது போன்ற காட்சிகள் இடம் பெறுவதை இயக்குனர்களும், நடிகர்களும் தவிர்க்க வேண்டும் என சமூக ஆர்வலர்கள் கடந்த பல வருடங்களாக கேட்டு வருகிறார்கள்.

ரஜினிகாந்த்தின் பழைய படங்களில் சிகரெட் பிடிக்கும் காட்சிகள் அதிகம் இருக்கும். ஒரு கட்டத்தில் அதற்கு எதிர்ப்பு எழுந்ததை அடுத்து இனி புகை பிடிக்கும் காட்சிகளில் நடிக்க மாட்டேன் என முடிவெடுத்தார் ரஜினிகாந்த். அவரது கடந்த சில படங்களில் அப்படியான காட்சிகள் எதுவும் இல்லாமல் இருந்தது. ஆனால், 'ஜெயிலர்' படத்தின் கிளைமாக்ஸ் காட்சியில் அவர் சுருட்டு பிடிக்கும் காட்சிகள் அமைந்தது சமூக ஆர்வலர்களுக்கு அதிர்ச்சியை ஏற்படுத்தி உள்ளது. அந்தக் காட்சி வரும் போது தியேட்டர்களில் ரசிகர்கள் ஆரவாரம் செய்து ரசிக்கின்றனர்.

'ஜெயிலர்' படத்தின் இசை வெளியீட்டு நிகழ்வில் குடிப்பதனால் தனது வாழ்க்கை பாதிப்படைந்தது, யாரும் குடிக்க வேண்டாம் என்று பேசிய ரஜினிகாந்த், படத்தில் புகை பிடிக்கும் காட்சியில் நடித்தது பற்றி சொல்வதைத் தவிர்த்துள்ளார். குடிக்கு எதிராக ரஜினிகாந்த் பேசியதை வரவேற்றவர்கள் தற்போது அவர் படத்தில் மீண்டும் புகை பிடிக்கும் காட்சி இடம் பெற்றிருப்பது குறித்து எதிர்ப்புகளைப் பதிவு செய்து வருகின்றனர்.

• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...
• 
  250 கோடியில் வீடு கட்டிய பாலிவுட் நட்சத்திர தம்பதிகள்
• 
  தமன்னா நடிக்கும் 'விவான்' படத்தின் படப்பிடிப்பு தொடங்கியது!
• 
  முகமூடி அணிந்து ரசிகர்களிடம் நேரடியாக பட விமர்சனம் கேட்ட அக்ஷய் குமார்

• 
  அஜித், ஆதிக் காம்போ உறுதி
• 
  கவின் நடித்துள்ள 'கிஸ்' படத்தின் சிங்கிள் பாடல் வெளியானது!
• 
  'லியோ' படத்தில் உயிரிழந்த மடோனாவின் கேரக்டர் 'பென்ஸ்' படத்தில் உயிர் ...
• 
  சூர்யா 46வது படத்தின் பாடல் பயங்கரமாக வந்திருக்கு! - ஜி.வி.பிரகாஷ் குமார் ...
• 
  சிவராஜ்குமாருக்கு நான் சித்தப்பா மாதிரி! கமல்ஹாசன் வெளியிட்ட வீடியோ