Dinamalar

ஒரு பில்லியன் டாலர் வசூலை நெருங்கும் 'பார்பி'

க்ரேடா கெர்விக் இயக்கத்தில், மார்காட் ராபி, ரியான் காஸ்லிங், அமெரிக்கா பெரைரா மற்றும் பலர் நடிப்பில் கடந்த மாதம் ஜுலை 21ம் தேதி வெளிவந்த படம் 'பார்பி'. சுமார் 150 மில்லியன் யுஎஸ் டாலர் தயாரிப்பில் உருவான இப்படம் 1000 மில்லியன் யுஎஸ் டாலர், அதாவது ஒரு பில்லியன் யுஎஸ் டாலர் வசூலை நெருங்கியுள்ளதாகத் தகவல் வெளியாகி உள்ளது.

தற்போது 920 மில்லியன் யுஎஸ் டாலரை நெருங்கியுள்ள இந்த வசூல் நாளைக்குள் 1000 மில்லியனைக் கடந்துவிடும் என்கிறார்கள். ஒரு பெண் இயக்குனர் இயக்கிய படம் இப்படி ஒரு வசூல் சாதனையைப் புரிவது இதுவே முதல் முறை.

ஹாலிவுட்டில் இதுவரை வெளியான படங்களில் சுமார் 50 படங்கள் 1000 மில்லியன் வசூலைக் கடந்துள்ளன. 2009ல் வெளிவந்த 'அவதார்' படம் 2923 மில்லியன் யுஎஸ் டாலர் வசூலித்து முதலிடத்தில் உள்ளது. 2019ல் வெளிவந்த 'அவஞ்சர்ஸ் என்ட்கேம்' 2797 மில்லியன், கடந்த வருடம் வெளிவந்த 'அவதார் த வே ஆப் வாட்டர்' படம் 2320 மில்லியன் யுஎஸ் டாலர் வசூலித்துள்ளதாக விக்கிபீடியா தகவல் தெரிவிக்கிறது.

இந்த வருடத்தில் வெளிவந்த படங்களில் 'த சூப்பர் மரியோ பிரோஸ்' திரைப்படம் 1356 மில்லியன் யுஎஸ் டாலர் வசூலைப் பெற்றது. ஒரே ஆண்டில் 1000 மில்லியன் யுஎஸ் டாலர் வசூலைப் பெறும் இரண்டாவது படமாக 'பார்பி' அமையப் போகிறது. 1000 மில்லியன் யுஎஸ் டாலர் என்பது இந்திய ரூபாய் மதிப்பில் 8268 கோடி ரூபாய்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்