Dinamalar

ஒரே தேதியில் ரிலீஸாகும் இரண்டு ஜெயிலர்கள்

ரஜினிகாந்த் நடிக்கும் படங்களின் டைட்டில்களுக்கு பெரும்பாலும் எந்தவித சிக்கலும் வந்ததில்லை. தற்போது முதன்முறையாக ரஜினிகாந்த் நடிப்பில் வெளியாகவுள்ள ஜெயிலர் படத்திற்கு எதிர்பாராத விதமாக கேரளாவில் இருந்து ஒரு சர்ச்சை கிளம்பி உள்ளது. நெல்சன் திலீப்குமார் இயக்கத்தில் ரஜினிகாந்த் நடிப்பில் உருவாகியுள்ள ஜெயிலர் திரைப்படம் வரும் ஆகஸ்ட் 10ம் தேதி வெளியாக இருக்கிறது. எல்லா மொழிக்கும் ஏற்ற டைட்டில் என்பதால் இதே பெயரிலேயே அனைத்து மொழிகளிலும் வெளியாகிறது.

அதேசமயம் மலையாளத்தில் ஜெயிலர் என்கிற பெயரில் ஏற்கனவே ஒரு படம் மலையாளத்தில் உருவாகி வந்துள்ளது. ஷகீர் மாடத்தில் என்பவர் இயக்கியுள்ள இந்த படத்தில் வினீத் சீனிவாசனின் தம்பி தயன் சீனிவாசன் கதாநாயகனாக நடித்துள்ளார். சில தினங்களுக்கு முன்பு இந்த படத்தின் இயக்குனர் மலையாளத்தில் வெளியாகும் ரஜினிகாந்தின் ஜெயிலர் திரைப்படத்திற்கு வேறு டைட்டில் மாற்றி வைக்கும்படி வேண்டுகோள் வைத்திருந்தார். ஆனால் ரஜினிகாந்த் படம் என்பதால் அப்படி ஒரு மொழிக்கு மட்டும் டைட்டிலை மாற்ற தயாரிப்பு நிறுவனம் தயாராக இல்லை.

இதனை தொடர்ந்து ஜெயிலர் வெளியாகும் அதேநாளில் மலையாளத்தில் உருவாகியுள்ள ஜெயிலர் திரைப்படமும் ரிலீஸ் ஆக இருக்கிறது என்று தற்போது அறிவிப்பு வெளியாகி உள்ளது. ஒருவேளை இந்த டைட்டில் சர்ச்சையை தங்களது படத்திற்கு புரமோஷன் ஆக மலையாள ஜெயிலர் படக்குழுவினர் பயன்படுத்துகிறார்களோ என்றும் சொல்லப்படுகிறது. இறுதி நேரத்தில் மலையாள ஜெயிலர் ரிலீஸில் மாற்றம் நிகழவும் வாய்ப்பு உண்டு என்கிறார்கள்.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  என்னை ஏன் டார்கெட் செய்கிறார்கள் : கயாடு லோஹர் வேதனை
• 
  ரஜினி படத்திலிருந்து விலகியதால் மீண்டும் கார்த்தியுடன் இணையும் ...
• 
  பாலகிருஷ்ணா 111வது படத்தில் ராணி ஆக நயன்தாரா
• 
  மீண்டும் காமெடி ஹீரோவான சதீஷ்
• 
  ஒரே படத்தின் மூலம் தமிழுக்கு வரும் தெலுங்கு, மலையாள ஹீரோயின்கள்