Dinamalar

தமிழ், தெலுங்கை அடுத்து ஹிந்தியிலும் வில்லனாக விஜய் சேதுபதி

தமிழ் சினிமாவில் வித்தியாசமான கதாபாத்திரங்களை ஏற்று நடித்து தனக்கென தனி இடத்தை உருவாக்கி வைத்துள்ள நடிகர்களில் விஜய் சேதுபதியும் ஒருவர். கடந்த சில வருடங்களாக தமிழில் அவர் நடித்து வெளியான படங்கள் வரவேற்பைப் பெறாமல், வசூல் ரீதியாக தோல்வியையும் தழுவியது.

இருந்தாலும் விஜய் சேதுபதி தற்போது ஹிந்தியிலும் கவனம் செலுத்தி அங்கும் முன்னேறிக் கொண்டிருக்கிறார். ஏற்கெனவே ஹிந்தியில் ஷாகித் கபூர் நடித்த 'பார்சி' வெப் தொடரில் நடித்து வரவேற்பைப் பெற்றார். அடுத்து 'ஜவான்' படத்தில் முக்கிய வில்லனாக நடித்துள்ளார். அப்படத்தில் விஜய் சேதுபதியின் கதாபாத்திரப் போஸ்டர் நேற்று வெளியானது. அதில், “த டீலர் ஆப் டெத்' என்ற வாசகத்துடன் அவரது அறிமுகப் போஸ்டரை வெளியிட்டார்கள். “மரணத்தின் வியாபாரி” என்ற அந்த வாசகம் மூலம் அவரது கதாபாத்திரம் எப்படி இருக்கும் என்பதை ஓரளவிற்கு யூகிக்க முடிகிறது.

படத்தின் இயக்குனர் அட்லி, “சேது ணா சம்பவம் லோடிங்,” என்றும், நாயகன் ஷாரூக்கான், “அவனைத் தடுக்க முடியாது… அப்படி முடியுமா,” என்றும் குறிப்பிட்டு விஜய் சேதுபதியின் போஸ்டரைப் பகிர்ந்துள்ளார்கள்.

தமிழில் 'மாஸ்டர், விக்ரம்' படங்களில் வில்லனாக நடித்த விஜய் சேதுபதி, தெலுங்கில் 'உப்பெனா' படத்திலும் வில்லனாக நடித்தார். மூன்றுமே வெற்றிப் படங்களாக அமைந்தன. அந்த வரிசையில் 'ஜவான்' படமும் இடம் பிடிக்குமா என்பது செப்டம்பர் 7ம் தேதிதான் தெரியும்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...