Dinamalar

30 மில்லியன் பார்வைகளைக் கடந்த 'நா ரெடி'

லோகேஷ் கனகராஜ் இயக்கத்தில், அனிருத் இசையமைப்பில், விஷ்ணு எடவன் எழுதி, விஜய் பாடிய 'லியோ' படத்தின் முதல் சிங்கிளான 'நா ரெடி' பாடல் கடந்த வாரம் ஜுன் 22ம் தேதி யு டியுப் தளத்தில் வெளியானது. பாடல் வெளியாவதற்கு முன்பே சர்ச்சையை கிளப்பி, வெளியான பின்னும் சர்ச்சையுடன் உலா வந்து கொண்டிருக்கிறது இப்பாடல். இருப்பினும் கடந்த நான்கு நாட்களில் இப்பாடல் யு டியுப் தளத்தில் 30 மில்லியன் பார்வைகளைக் கடந்துள்ளது.

24 மணி நேரத்தில் 20 மில்லியன் பார்வைகளைக் கடந்தும், 16 லட்சம் லைக்குகளையும் பெற்ற இப்பாடல் யு டியூப் தளத்தில் இசைப் பிரிவில் தற்போது வரை நம்பர் 1 இடத்தில் உள்ளது. தற்போது 31 மில்லியன் பார்வைகளையும் 19 லட்சம் லைக்குகளையும் கடந்துள்ளது. அது மட்டுமல்லாது ஸ்பாட்டிபை ஒலி தளத்தில் 45 லட்சம் முறையும் கேட்கப்பட்டுள்ளதாம். அதன் ஹாட் ஹிட்ஸ் தமிழ் பட்டியலிலும் 'நா ரெடி' பாடல்தான் முதல் இடத்தில் இருக்கிறதாம்.

யு டியுப் தளத்தைப் பொறுத்தவரையில் விஜய் நடித்து வெளிவந்த 'பீஸ்ட்' படப் பாடலான 'அரபிக் குத்து' பாடல் 510 மில்லியன் பார்வைகளைக் கடந்து அதிகப் பார்வைகளைக் கடந்த தமிழ் சினிமா பாடல்களில் இரண்டாம் இடத்தில் உள்ளது. அதற்கடுத்து 'மாஸ்டர்' படத்தின் 'வாத்தி கம்மிங்' 444 மில்லியன் பார்வைகளுடனும், 'வாரிசு' படத்தின் 'ரஞ்சிதமே' 212 மில்லியன், 'மெர்சல்' படத்தின் 'ஆளப் போறான் தமிழன்' 170 மில்லியன், 'பிகில்' படத்தின் 'வெறித்தனம்' 146 மில்லியன், 'தெறி' படத்தின் 'என் ஜீவன்' 143 மில்லியன், 'கத்தி' படத்தின் 'செல்பி புள்ள' 140 மில்லியன், 'தெறி' படத்தின் 'ஈனா மீனா' 138 மில்லியன், 'மாஸ்டர்' படத்தின் 'குட்டி ஸ்டோரி' 118 மில்லியன் பார்வைகளுடனும் உள்ளன.

100 மில்லியனுக்கும் அதிகமான பார்வைகளைப் பெற்ற பாடல்களில் விஜய்யின் பாடல்கள்தான் அதிகம் என்பது குறிப்பிட வேண்டிய ஒன்று.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  மோகன்லால் உடன் நடிக்க விருப்பம்: நடிகை ஷில்பா ஷெட்டி
• 
  விஜய் சேதுபதியின் தங்கை கதாபாத்திரம்: நடிகை ரோஷினி நெகிழ்ச்சி
• 
  கோட்டா சீனிவாச ராவ் மறைவு: தெலுங்கு சினிமா பிரபலங்கள் இரங்கல்
• 
  வலிகள் இல்லாமல் வாழ்க்கை இல்லை! அனுபவம் பேசும் கவிஞர் பா.விஜய்
• 
  பிளாஷ்பேக்: இளையராஜா, கண்ணதாசன், எஸ் பி பி மூவரையும் முதன் முதலில் இணைத்த ...