Dinamalar

சங்கங்களின் சந்திப்புகள் : தமிழ் சினிமாவில் மாற்றங்கள் வருமா?

தமிழ்த் திரைப்படத் தயாரிப்பாளர் சங்கத்தின் பொதுக்குழுக் கூட்டம் பத்து நாட்களுக்கு முன்பு நடைபெற்றது. அப்போது சில நடிகர்களுக்கு ஒத்துழைப்பு தரப் போவதில்லை என தீர்மானம் நடைபெற்றது. அந்த நடிகர்கள் யார், யார் என்று அவர்கள் அதிகாரப்பூர்வமாக அறிவிக்கவில்லை. இருந்தாலும் சில நடிகர்களின் பெயர்கள் வெளியாகி, இவர் இல்லை, அவர் இல்லை என்ற சந்தேகத்தில் முடிந்தன.

இதனிடையே, தயாரிப்பாளர் சங்கம் சார்பில் அதன் உறுப்பினர்களுக்கு சில தினங்களுக்கு முன்பு கடிதம் ஒன்று அனுப்பப்பட்டுள்ளது. அதில் தங்களது படங்களில் நடிக்க ஒப்புக் கொண்ட, வாய் மொழியாகவோ, ஒப்பந்தம் மூலமாகவோ, நடிகர், நடிகைகளுடன் உள்ள பிரச்சினைகளை ஜுன் 28ம் தேதிக்குள் கடிதம் மூலம் அனுப்பும்படி கேட்டுக் கொண்டுள்ளார்கள். அதன்பின் இந்த விவகாரம் குறித்து நடிகர் சங்கத்துடன் பேச்சுவார்த்தை நடத்தப் போவதாகவும் குறிப்பிட்டுள்ளார்கள்.

தயாரிப்பாளர் சங்கம், நடிகர் சங்கம் இடையில் விரைவில் ஒரு பேச்சுவார்த்தை நடைபெற உள்ள சூழ்நிலையில் தமிழ்நாடு திரையரங்கு உரிமையாளர்கள் சங்கமும் ஜுலை 11ம் தேதி அவசரக் கூட்டம் ஒன்றை நடத்த உள்ளது. அது தொடர்பாக உறுப்பினர்களுக்கு கடிதம் அனுப்பப்பட்டுள்ளது. அந்த கூட்டத்தில் புதிய படங்கள் வெளியான பின் ஓடிடியில் படங்களை வெளியிடுவதற்கான கால அவகாசம் குறித்து முக்கிய முடிவுகள் எடுக்கப்படும் எனத் தெரிகிறது. மேலும், தயாரிப்பாளர்கள், வினியோகஸ்தர்களுடன் தியேட்டர்காரர்களுக்கான வியாபாரப் பங்கீடு குறித்த விஷயங்களும் விவாதிக்கப்படலாம்.

தமிழ் சினிமாவில் வரும் வாரங்களில் அடுத்தடுத்து சில முன்னணி நடிகர்களின் பெரிய படங்கள் வெளிவர உள்ளன. அதனால், தயாரிப்பாளர் சங்கம், நடிகர் சங்கம், திரையரங்கு உரிமையாளர் சங்கம் ஆகியவை நடத்த உள்ள சந்திப்புகள், பேச்சுவார்த்தைகள் முக்கியத்துவம் வாய்ந்ததாக உள்ளது. இந்த சங்கங்களைத் தொடர்ந்து வினியோகஸ்தர்கள் சங்கமும் கூட்டத்தை நடத்த வாய்ப்புள்ளது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  குழந்தையை தத்தெடுத்து வளர்க்க திட்டமிடும் ஸ்ருதிஹாசன்
• 
  ராம் பொத்தினேனி எழுதிய பாடலை பின்னணி பாடிய அனிருத்
• 
  10 மில்லியன் வியூஸ் - தமன்னா சாதனையை முறியடிப்பாரா பூஜா ஹெக்டே
• 
  விக்னேஷ் சிவனை பிரிவதாக வதந்தி : போட்டோவால் பதில் சொன்ன நயன்தாரா
• 
  தமிழில் மீண்டும் நடிக்கும் அன்னா பென்