Dinamalar

கேன்ஸ் விருதுடன் விடைபெற்றார் ஹாரிஸன் போர்ட்

புகழ்பெற்ற ஹாலிவுட் நடிகர் ஹாரிஸன் போர்ட். புதையலை தேடிச் செல்லும் 'இண்டியான ஜோன்ஸ்' படங்கள் மூலம் உலக புகழ்பெற்றவர். 1981ஆம் ஆண்டு ஸ்டீவன் ஸ்பீல்பெர்க் இயக்கத்தில் வெளியான இதன் முதல் பாகம் பெரும் வெற்றியடைந்தது. அந்த படத்தில் நாயகனான நடித்த ஹாரிஸன் போர்டுக்கு அப்போது 39 வயது. தற்போது 80 வயதாகும் அவர் இண்டியானா ஜோன்ஸ் படத்தின் 5வது பாகத்தில் நடித்துள்ளார். ஜேம்ஸ் மேங்கோல்ட் இயக்கியுள்ள இதுதான் இண்டியானா ஜோன்ஸ் படவரிசையின் இறுதி பாகமாகும். வருகிற ஜூன் 30ம் தேதி வெளிவருகிறது.

இந்த படம் தற்போது நடந்து வரும் கேன்ஸ் திரைப்பட விழாவில் திரையிடப்பட்டது. படத்தின் திரையீடு முடிந்ததும் பார்வையாளர்கள் அனைவரும் எழுந்து நின்று ஹாரிஸன் போர்டுக்கு ஐந்து நிமிடங்கள் தொடர்ந்து கைதட்டினர். பின்னர் அவரது சினிமா பங்களிப்பை கவுரவிக்கும் விதமாக கேன்ஸ் திரைப்பட விழாவின் மிக உயரிய 'தங்கப் பனை' விருது அவருக்கு வழங்கப்பட்டது.

விழாவில் ஹாரிஸன் போர்டு பேசியதாவது: நான் மிகவும் நெகிழ்ந்து போயிருக்கிறேன். நாம் சாகும்போது நாம் வாழ்ந்த வாழ்க்கை நம் கண் முன்னே வரும் என்று சொல்வார்கள். இப்போது என் வாழ்க்கை என் கண்முன்னால் நிழலாடுகிறது. என் வாழ்க்கை முழுவதும் அல்ல. வாழ்க்கையில் மிகச்சிறந்த பகுதி. என்னுடைய அன்பான மனைவி கலிஸ்டா ப்ளோக்ஹார்ட்டால் தான் என் வாழ்க்கை சாத்தியமானது. அவர் என் கனவு மற்றும் லட்சியத்துக்கு ஆதரவாக நின்றார். நான் அவருக்கு நன்றிக் கடன்பட்டிருக்கிறேன். ரசிகர்களாகிய உங்களையும் நான் மிகவும் நேசிக்கிறேன். நீங்கள்தான் என் வாழ்வை அர்த்தமுள்ளதாக மாற்றினீர்கள். அதற்கும் நான் நன்றிக்கடன் பட்டுள்ளேன்.

இவ்வாறு ஹாரிஸன் போர்டு கூறினார்.

இண்டியான ஜோன்ஸ் 5ம் பாகம்தான் எனது கடைசி படம் என்று ஹாரிசன் போர்ட் ஏற்கெனவே அறிவித்துவிட்டது குறிப்பிடத்தக்கது.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  பிளாஷ்பேக்: ஒரே படத்தின் கதையை இருவேறு காலங்களில் இயக்கிய இயக்குநர்
• 
  'பென்ஸ்' படத்தில் இணையும் ஹரிஷ் கல்யாண், மூன்று நாயகிகள்
• 
  பாலகிருஷ்ணா பிறந்தநாளில் வெளியான ‛அகண்டா 2' அறிமுக டீசர்
• 
  வெற்றிமாறனை சுற்றி வரும் வதந்திகள், பதில் சொல்வாரா ?
• 
  நயன்தாரா படத்தை தொடர்ந்து திலீப் படத்தை இயக்கும் வாரிசு நடிகர்