Dinamalar

தமிழில் வெற்றியைத் தவறவிட்ட கிரித்தி ஷெட்டி

தெலுங்கில் அறிமுகமான முதல் படத்திலேயே ரசிகர்களைக் கவர்ந்தவர் கிரித்தி ஷெட்டி. புச்சிபாபு இயக்கத்தில் 2021ல் தெலுங்கில் வெளிவந்த 'உப்பெனா' படம்தான் அவர் அறிமுகமான படம். அந்தப் படத்தில் வில்லன் விஜய் சேதுபதியின் மகளாக நடித்திருந்தார்.

அதன் பிறகு தெலுங்கில் அவர் நடித்து வெளிவந்த 'ஷியாம் சிங்கா ராய்' மட்டும்தான் வெற்றிப் படமாக அமைந்தது. அதன்பிறகு வந்த படங்கள் தோல்வியைத்தான் சந்தித்துள்ளன. கடந்த வருடம் தமிழ், தெலுங்கில் தயாராக வெளிவந்த 'த வாரியர்', கடந்த வாரம் வெளிவந்த 'கஸ்டடி' ஆகிய படங்களும் கிரித்தி ஷெட்டியின் தமிழ் வாய்ப்பை தோல்விக்குள்ளாக்கியது.

பாலா இயக்கத்தில், சூர்யா நடிப்பதாக இருந்த 'வணங்கான்' படத்திலும் நடித்து வந்தார். அப்படத்திலிருந்து சூர்யா விலகியதும், படத்தின் கதையை மாற்றிய இயக்குனர் பாலா, கிரித்தி ஷெட்டியையும் படத்திலிருந்து நீக்கிவிட்டார். அந்தப் படம் சூர்யா நடிக்க திட்டமிட்டபடி நடந்திருந்தால் கிரித்திக்கும் பெரிய திருப்புமுனை கிடைத்திருக்கும்.

அழகாகவும் இருந்து, தமிழ் பேசத் தெரிந்த நாயகியாகவும் இருப்பது கிரித்திக்கு பிளஸ் பாயின்ட். அவரது அடுத்த தமிழ் வாய்ப்பாவது அவருக்கு வெற்றியைத் தேடித் தரட்டும்.

• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது
• 
  ‛அங்கமாலி டைரீஸ்' பட இயக்குனரின் ஹிந்தி படத்திற்கு இசையமைக்கும் ஏ.ஆர் ...
• 
  மனநல தூதர் ஆனார் தீபிகா
• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?

• 
  தீபாவளி புக்கிங் ஆரம்பம்: மழையால் மிரளும் திரையுலகம்
• 
  மக்கள் திட்டாதது நம்பிக்கையை கொடுத்தது: ஹரிஷ் கல்யாண்
• 
  விக்ரம் உடன் முதல்முறையாக இணையும் அனிருத்
• 
  நவம்பர் 28ல் ரீ-ரிலீஸ் ஆகும் ‛அஞ்சான்'
• 
  பிளாஷ்பேக்: ஏ வி எம் - விஜயகாந்த் கூட்டணியின் முதல் வெற்றித் திரைப்படம் ...