Dinamalar

பத்து தல இயக்குனர் கிருஷ்ணாவின் அடுத்தபடம் : வாழ்த்திய ஏ.ஆர்.ரஹ்மான்

சிம்பு, கவுதம் கார்த்திக், பிரியா பவானி சங்கர் ஆகியோர் நடிப்பில் வெளியான படம் பத்து தல. இந்த படத்தை கிருஷ்ணா இயக்கியிருந்தார். அந்த படம் திரைக்கு வந்தபோது பத்து தல இரண்டாம் பாகத்தை அடுத்து கிருஷ்ணா இயக்குவார் என்ற தகவல்களும் வெளியாகின. ஆனால் தற்போது பத்து தல படத்தின் இரண்டாம் பாகம் அல்லாமல் வேறு ஒரு படத்தை இயக்கும் பணிகளில் அவர் இறங்கி இருக்கிறார்.

இது குறித்து அவர் வெளியிட்டுள்ள செய்தியில், அடுத்து நான் இயக்கும் படத்தை ராமன் தேடிய சீதை, சாருலதா, ஹாய் சினாமிகா உள்பட பல படங்களை தயாரித்த குளோபல் ஒன் ஸ்டுடியோ என்ற நிறுவனம் தயாரிக்கிறது. அப்படத்திற்கான கதை விவாதங்கள் முடிந்து விட்ட நிலையில் விரைவில் படம் குறித்த அறிவிப்பு வெளியாக உள்ளது என்று கூறியிருக்கிறார்.

இப்படி கிருஷ்ணா தனது புதிய படத்தின் அறிவிப்பை வெளியிட்டதை அடுத்து கிருஷ்ணாவின் அடுத்த படம் குறித்து வெளியான செய்தியை தனது ட்விட்டரில் பதிவிட்டு, அவருக்கு வாழ்த்து தெரிவித்திருக்கிறார் ஏ.ஆர்.ரஹ்மான். மேலும் பத்து தல படத்திற்கு ரஹ்மான் தான் இசையமைத்தார் என்பது குறிப்பிடத்தக்கது. இந்த படத்துக்கும் அவர்தான் இசையமைக்கிறாரா? இல்லையா? என்பது குறித்த தகவல் விரைவில் தெரியவரும்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  நாகார்ஜுனாவின் 100வது படத்தில் இணையும் நாகசைதன்யா - அகில்
• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்
• 
  பெண்கள் அரசியல் கூட்டங்களுக்கு செல்லக்கூடாது: அம்பிகா அட்வைஸ்
• 
  நயன்தாரா வீட்டுக்கு வெடிகுண்டு மிரட்டல்
• 
  பிளாஷ்பேக்: மம்பட்டியான் பாணியில் உருவான 'கரிமேடு கருவாயன்'