Dinamalar

40ஐ நிறைவு செய்த த்ரிஷா : பிறந்தநாள் வாழ்த்துகளைத் தெரிவிக்கும் ரசிகர்கள்

தமிழ் சினிமா உலகில் கடந்த இருபது வருடங்களுக்கும் மேலாக முன்னணி கதாநாயகியாக இருந்து வருபவர் த்ரிஷா. இதற்கு முன்பு வேறு எந்த ஒரு நடிகையும் இவ்வளவு நீண்ட காலம் முன்னணி நடியாக இருந்ததில்லை என்பது குறிப்பிட வேண்டிய ஒன்று.

2002ம் ஆண்டு வெளிவந்த 'மௌனம் பேசியதே' படத்தின் மூலம் அறிமுகமாகி தமிழிலும், தெலுங்கிலும் பல சூப்பர் ஹிட் படங்களில் நடித்தவர் த்ரிஷா. பல வெற்றிகளைக் குவித்த போது கிடைத்த வரவேற்பு, புகழை விட 'பொன்னியின் செல்வன்' படத்தில் குந்தவை கதாபாத்திரத்தில் நடித்த பிறகு அவருக்கான வரவேற்பு வேறொரு தளத்தில் உச்சத்தைத் தொட்டுவிட்டது.

படம் வெளியாவதற்கு முன்பிருந்த விமர்சனங்களை தனது தோற்றத்தாலும், நடிப்பாலும் தவிடுபொடியாக்கியவர். இன்றுடன் 40 வயதை நிறைவு செய்யும் த்ரிஷாவுக்கு ரசிகர்கள் பிறந்தநாள் வாழ்த்துகளைத் தெரிவித்து வருகிறார்கள். த்ரிஷாவைப் பார்த்தால் 40 வயதை நிறைவு செய்தவர் போலவா இருக்கிறது என நமது தலைப்பிற்கும் ரசிகர்கள் 'கமெண்ட்' செய்ய வாய்ப்புள்ளது.

கடந்த இரண்டு வாரங்களாக 'பொன்னியின் செல்வன் 2' படத்திற்காக 'சோழர்களின் பயணம்' புரமோஷனில் அவர் கலந்து கொண்ட போது விதவிதமான புகைப்படங்களைப் பதிவிட்டிருந்தார். அதற்கே ரசிகர்கள் அமோகமாகப் பாராட்டினார்கள். இன்று அந்தப் புகைப்படங்களுடன் சமூக வலைத்தளங்களின் டைம்லைனில் த்ரிஷா நிறைந்திருக்கிறார்.

• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!
• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...

• 
  பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன்
• 
  பெண் குழந்தைக்கு தந்தையான ரெடின் கிங்ஸ்லி
• 
  துருவ நட்சத்திரம் : காத்திருக்கும் விக்ரம்
• 
  25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ...
• 
  அருண் விஜய் படத்திற்கு பாடல் பாடிய தனுஷ்