Dinamalar

'ஆர்ஆர்ஆர்' விழாக்களில் புறக்கணிக்கப்படுகிறாரா தயாரிப்பாளர் ?

ராஜமவுலி இயக்கத்தில், கீரவாணி இசையமைப்பில், ஜுனியர் என்டிஆர், ராம் சரண் மற்றும் பலர் நடித்து கடந்த வருடம் வெளியாகி 1000 கோடிக்கும் அதிகமான வசூலைக் குவித்த படம் 'ஆர்ஆர்ஆர்'. அப்படத்தில் இடம் பெற்ற 'நாட்டு நாட்டு' பாடல் சிறந்த ஒரிஜனல் பாடலுக்கான ஆஸ்கர் விருதையும் வென்று பெருமை சேர்த்தது.

ஆஸ்கர் விருது வழங்கும் விழாவிலும், அதற்கு முன்பு அமெரிக்காவில் நடைபெற்ற அப்படம் சம்பந்தப்பட்ட எந்த ஒரு புரமோஷன் நிகழ்வுகளிலும் படத்தின் தயாரிப்பாளரான டிவிவி தனய்யா கலந்து கொள்ளவில்லை. ஆஸ்கர் விருத வென்ற பின் விருதுகளுக்காக செலவழித்தது பற்றிய பேட்டி ஒன்றில் தான் எந்த ஒரு செலவையும் செய்யவில்லை, ராஜமவுலி எவ்வளவு செலவு செய்தார் என்பது தெரியாது என்று கூறியிருந்தார்.

இந்நிலையில் கடந்த வாரம் ஆஸ்கர் விருது வென்ற கீரவாணி, சந்திரபோஸ் ஆகியோருக்கு தெலுங்கு திரையுலகத்தினர் பாராட்டு விழா ஒன்றை நடத்தினர். அதில் தெலுங்குத் திரையுலகத்தின் பல்வேறு சங்கங்களைச் சேர்ந்தவர்களும், தயாரிப்பாளர்கள் பலரும் கலந்து கொண்டனர். ஆனால், 'ஆர்ஆர்ஆர்' படத்தின் தயாரிப்பாளரான தனய்யா கலந்து கொள்ளவில்லை. அவர் கலந்து கொள்ளாதது குறித்து பல்வேறு தகவல்கள் உலா வருகின்றன.

அவருக்கு அழைப்பு அனுப்பப்படவில்லை என்றும், வேறு காரணங்களுக்காக அவர் கலந்து கொள்ளவில்லை என்றும் சொல்கிறார்கள். 'ஆர்ஆர்ஆர்' படத்திற்கு அவர் பெயரளவில்தான் தயாரிப்பாளர் என்றும் சிலர் பேசிக் கொள்கிறார்கள். இது குறித்து தனய்யா சொன்னால்தான் உண்மை என்னவென்பது தெரிய வரும்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு