Dinamalar

'அயோத்தி' பாராட்டு : லேட்டாக வந்தாலும் லேட்டஸ்ட்டாக வந்த ரஜினிகாந்த்

அறிமுக இயக்குனர் மந்திரமூர்த்தி இயக்கத்தில் சசிகுமார், ப்ரீத்தி அஸ்ரானி, யஷ்பால் சர்மா மற்றும் பலர் நடித்து கடந்த மார்ச் மாதம் 3ம் தேதி வெளியான படம் 'அயோத்தி'. விமர்சகர்களிடம் நல்ல வரவேற்பைப் பெற்ற இந்தப் படத்திற்கு ரசிகர்களிடமும் பாராட்டுக்கள் குவிந்தது.

கடந்த வாரம் இப்படம் ஓடிடி தளத்திலும் வெளியானது. இந்நிலையில் நடிகர் ரஜினிகாந்த் 'அயோத்தி' படத்தைப் பார்த்து பாராட்டி டுவீட் செய்துள்ளார். “அயோத்தி…

நண்பர் சசிகுமாருக்கு ரொம்ப நாட்களுக்குப் பிறகு அருமையான கருத்துள்ள ஒரு வெற்றிப் படம்.

முதல் படத்திலேயே தான் ஒரு தலை சிறந்த இயக்குநர் என்று நிரூபித்திருக்கிறார் ஆர்.மந்திரமூர்த்தி.

தயாரிப்பாளருக்கு என்னுடைய பாராட்டுகளும், வாழ்த்துகளும்!,” என்று பாராட்டியுள்ளார்.

அவரது பாராட்டுக்கு நன்றி தெரிவித்து சசிகுமார், “நடிகர் எனக் குறிப்பிடாமல், நண்பர் என்று சொன்னதிலேயே மிகுந்த மகிழ்ச்சியடைந்தேன் சார். எந்த ஆர்ப்பாட்டமும் இல்லாமல், மிக எளிய படைப்பாக வந்திருக்கும் #அயோத்தி படத்தை பார்த்துப் பாராட்டியது நல்ல படைப்புகளுக்கான பெரிய நம்பிக்கை கொடுக்கிறது மிக்க நன்றி சார்,” என டுவீட் செய்துள்ளார். 'பேட்ட' படத்தில் ரஜினிகாந்த், சசிகுமார் இருவரும் நண்பர்களாக நடித்திருந்தனர் என்பது குறிப்பிட வேண்டிய ஒன்று.

படத்தின் இயக்குனர் மந்திரமூர்த்தி, “உலகில் உள்ள அத்தனை விருதுகளும் ஒரு நொடியில் கிடைத்த மகிழ்ச்சியையும், உத்வேகத்தையும் தருகிறது தங்களின் பாராட்டுகள்... நன்றி சார்,” என மகிழ்ந்துள்ளார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்