ஆஸ்கரை நெருங்கியது நாட்டு... நாட்டு... - இறுதிப் பரிந்துரையில் தமிழ் ஆவணப்படம்!

24 ஜன, 2023 - 07:53 IST

0 கருத்துகள் கருத்தைப் பதிவு செய்ய

எழுத்தின் அளவு:

லாஸ் ஏஞ்சல்ஸ் : ஆர்ஆர்ஆர் தெலுங்கு திரைப்படத்தில் இடம்பெற்ற, நாட்டு... நாட்டு... என்ற பாடல் சிறந்த பாடலுக்கான பிரிவிலும், தி எலிபென்ட் விஸ்பர்ஸ் சிறந்த ஆவண குறுப்பட பிரிவிலும் ஆஸ்கர் விருதுக்கான இறுதிப் பரிந்துரைப் பட்டியலில் இடம் பிடித்துள்ளன.

உலக சினிமாவில் மிகப் பெரிய அங்கீகாரமாக பார்க்கப்படும் பல்வேறு விருதுகளில் ஆஸ்கர் விருது முக்கிய இடம் வகிக்கிறது. 2023ம் ஆண்டுக்கான 95வது ஆஸ்கர் விருது வழங்கும் விழா, அமெரிக்காவின் லாஸ் ஏஞ்சல்ஸ் நகரில் மார்ச் 12ல் நடக்கிறது. இதில், 23 பிரிவுகளில் போட்டியிடும் திரைப்படங்களின் இறுதி பரிந்துரை பட்டியல் நேற்று வெளியிடப்பட்டது.

திரைப்படங்களில் இடம்பெற்ற பாடல்களுக்கு வழங்கப்படும் விருது, சிறந்த, 'ஒரிஜினல் சாங்' என்ற பிரிவின் கீழ் வழங்கப்படுகிறது. இந்த இறுதி பரிந்துரை பட்டியலில் தெலுங்கு திரைப்படமான ஆர்ஆர்ஆர் படத்தில் இடம் பெற்ற நாட்டு... நாட்டு... பாடல் இடம்பிடித்துள்ளது.

ராஜமவுலி இயக்கத்தில் வெளியான இந்த படத்துக்கு கீரவாணி இசையமைத்துள்ளார். இவர், மரகதமணி என்ற பெயரில் தமிழ் படங்களிலும் இசையமைத்துள்ளார்.

இந்த பாடல் வரியை கால பைரவா மற்றும் ராகுல் சிப்லிகஞ்ச் ஆகியோர் எழுதியுள்ளனர். இந்த பாடல், சமீபத்தில் 'கோல்டன் குளோப், கிரிட்டிக்ஸ் சாய்ஸ்' விருதுகளை வென்று சாதனை படைத்தது. தற்போது, இந்த பாடல் ஆஸ்கர் விருதை நெருங்கி உள்ளது.

ஆவண குறும்பட பிரிவில், தமிழ் மொழியில் எடுக்கப்பட்ட, 'தி எலிபென்ட் விஸ்பர்ஸ்' என்ற ஆவணப்படம் இறுதி பட்டியலில் இடம்பிடித்துள்ளது. கார்த்தி கான்சால்வ்ஸ் என்ற பெண் இந்த ஆவண குறும்படத்தை இயக்கி உள்ளார்.

ஆவண திரைப்படப் பிரிவில், ஷானக் சென் இயக்கிய 'ஆல் தட் பிரீத்ஸ்' என்ற படம் இறுதிப்பட்டியலில் இடம்பிடித்துள்ளது.

'nattu nattu Song' Makes Oscar Final list

கருத்துகள் (0) கருத்தைப் பதிவு செய்ய

விஷால் படத்தில் முக்கிய வேடத்தில் ...

'நாட்டு நாட்டு' ஆஸ்கர் தேர்வு : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய