Dinamalar

யு டியுபில் புதிய சாதனை படைத்த பின்னணி பாடகி அல்கா யாக்னிக்

பாலிவுட்டின் பிரபல பின்னணிப் பாடகி அல்கா யாக்னிக். 2022ம் ஆண்டில் யு டியுபில் அதிக முறை பார்க்கப்பட்ட பாடல்களில் அவரது பாடல்கள் புதிய சாதனை படைத்துள்ளது. கடந்த ஆண்டில் மட்டும் அவர் பாடிய பாடல்கள் 15.3 பில்லியன் பார்வைகளைப் பெற்றுள்ளது. ஒரு நாளைக்கு சராசரியாக 42 மில்லியன்கள்.

56 வயதான அல்கா யாக்னின் கடந்த மூன்று ஆண்டுகளாக தொடர்ந்து சாதனை படைத்து வருகிறார். 2020ம் ஆண்டில் 16.6 பில்லியன், 2021ம் ஆண்டில் 17 பில்லியன் சாதனைகளை படைத்துள்ளார்.

2022ம் ஆண்டில் 14.7 பில்லியன் சாதனையைப் படைத்து இரண்டாம் இடத்தைப் பெறுகிறார் போர்ட்டோரிகா நாட்டின் பேட் பன்னி. இந்தியாவைச் சேர்ந்த பின்னணிப் பாடகர்களான உதித் நாராயண் 10.8 பில்லியன், அர்ஜித் சிங் 10.7 பில்லியன், குமார் சானு 9.09 பில்லியன் பெற்று டாப் 5ல் இடம் பிடித்துள்ளனர்.

20 ஆயிரத்திற்கும் மேற்பட்ட பாடல்களை கடந்த 40 வருடங்களாகப் பாடியுள்ளார் அல்கா. 7 முறை சிறந்த பாடகிக்கான பிலிம்பேர் விருதுகளை வென்றுள்ளார். இந்தியாவில் 12.3 பில்லியனையும், பாகிஸ்தானில் 683 மில்லியனையும் கடந்த ஆண்டில் பெற்றுள்ளார்.

யு டியுபைப் பார்ப்பவர்களைப் பொறுத்தவரையில் உலக அளவில் 25 சதவீதத்தினர். ஆசியாவைச் சேர்ந்தவர்கள் 45 சதவீதத்தினர் யு டியுபைப் பார்த்து வருகிறார்கள்.

1980ல் வெளிவந்த 'பாயர் கி ஜான்கார்' என்ற படத்தில் முதன் முதலில் பாடினார் அல்கா. அதன்பின் 1981ல் அமிதாப் நடித்து வெளிவந்த 'லாவாரிஸ்' படத்தின் பாடலான 'மேரே அன்கன் மேய்னே' பாடல் அவரைப் பிரபலமாக்கியது. 1988ல் வெளிவந்த 'தேசாப்' படத்தில் இடம் பெற்ற 'ஏக் தோ தீன்' பாடல் அவரை பல மொழி ரசிகர்களிடத்திலும் கொண்டு போய் சேர்த்தது. ஹிந்தியில் பல சூப்பர் ஹிட் பாடல்களைப் பாடியுள்ளார் அல்கா.

• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...

• 
  பாலோயர்ஸ்: உண்மையைப் பேசியுள்ள பூஜா ஹெக்டே
• 
  ரீ-ரிலீஸில் வரவேற்பைப் பெறுமா 'சச்சின்'
• 
  நஷ்டஈடு கேட்டு இளையராஜா நோட்டீஸ்: 'குட் பேட் அக்லி' தயாரிப்பாளர் ...
• 
  ஓடிடி.,யிலும் தோல்வியடைந்த யுவன் ஷங்கர் ராஜா படம்
• 
  ஓடிடி-யில் வெளியாகும் வரலக்ஷ்மி சரத்குமாரின் திரில்லர் படம்