Dinamalar

சத்தமில்லாமல் இன்று வெளியாகும் 'வல்லவனுக்கும் வல்லவன்'

பொங்கலை முன்னிட்டு 'வாரிசு, துணிவு' ஆகிய படங்கள் வெளிவந்ததால் இந்த வாரம் எந்த புதிய படங்களும் வெளியாக வாய்ப்பில்லை என்று சொல்லப்பட்டது. ஆனால், இன்று சத்தமில்லாமல் ஒரு படம் வெளியாகிறது. பாபி சிம்ஹா, ஷிவதா, பூஜா தேவரியா, கருணாகரன் மற்றும் பலர் நடிக்க விஜய் தேசிங்கு இயக்கத்தில் உருவாகியுள்ள 'வல்லவனுக்கும் வல்லவன்' தான் அந்தப் படம்.

ஆறு ஆண்டுகளுக்கு முன்பு இப்படத்தின் டீசர் வெளியாகி உள்ளது. அப்போது இந்தப் படத்தின் தயாரிப்பாளர்களாக 'மெர்சல்' படத்தைத் தயாரித்த ராமசாமி, பாபி சிம்ஹா, சதீஷ் சுந்தராஜ ஆகியோர் இருந்திருக்கிறார்கள். இன்று வெளியான வெளியீட்டு போஸ்டரில் பாபி சிம்ஹாவின் மனைவியான ரேஷ்மி சிம்ஹா, ராமசாமி ஆகியோரது பெயர்கள் மட்டுமே தயாரிப்பாளர்களாக இடம் பெற்றுள்ளது.

2016ம் வருடத்தில் பாபி சிம்ஹா தமிழில் பிஸியான கதாநாயகனாகவும் இருந்தார். அப்போது இந்தப் படம் வெளிவந்திருக்க வேண்டியது. ஆறு வருடம் தாமதமாக வருகிறது. பொங்கலுக்கு வெளிவந்த தெலுங்குப் படமான சிரஞ்சீவி நடித்த 'வால்டர் வீரய்யா' படத்தில் பாபி சிம்ஹா நடித்துள்ளார்.

தமிழில் 2019க்குப் பிறகு பாபி சிம்ஹா நடித்து வெளிவரும் படம் 'வல்லவனுக்கும் வல்லவன்'.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா