Dinamalar

பொங்கலுக்கு இசையமைப்பாளர் தமனுக்கு 'டபுள் ஜாக்பாட்'

தமிழில் 'பாய்ஸ்' படம் மூலம் நடிகரான அறிமுகமானவர் தமன். அதன் பிறகு நடிப்பதில் அதிக ஆர்வம் காட்டாமல் இசையமைப்பதில் மட்டுமே ஆர்வம் காட்டினார். அவர்களது குடும்பமே திரையிசைக் குடும்பம் என்பதே அதற்குக் காரணம். தமிழில் 2008ம் ஆண்டில் வெளிவந்த 'சிந்தனை செய்' படம் மூலமும், தெலுங்கில் 'மல்லி மல்லி' படம் மூலமும் இசையமைப்பாளராக தனது பயணத்தைத் தொடங்கினார் தமன்.

அதன் பிறகு தமிழில் 'ஈரம், காஞ்சனா, ஒஸ்தி, காதலில் சொதப்புவது எப்படி, தடையறத் தாக்க, சேட்டை, வாலு, தில்லுக்கு துட்டு, ஸ்கெட்ச், மகா முனி, ஈஸ்வரன்,” உள்ளிட்ட பல படங்களுக்கு இசையமைத்துள்ளார். தெலுங்கில் 'அலா வைகுந்தபுரம்லோ' படத்திற்குப் பிறகு மிகவும் பிஸியான இசையமைப்பாளராக மாறினார்.

இந்தாண்டு பொங்கலுக்கு தமன் இசையமைத்துள்ள இரண்டு படங்கள் வெளிவர உள்ளன. தமிழில் விஜய் நடிக்கும் 'வாரிசு', தெலுங்கில் பாலகிருஷ்ணா நடிக்கும் 'வீர சிம்ஹா ரெட்டி' ஆகிய இரண்டு முக்கியமான படங்கள் வருகின்றன. இரண்டு படங்களுமே எதிர்பார்ப்புகளை ஏற்படுத்தியுள்ளது. தற்போது இரண்டு படங்களின் பின்னணி இசை வேலைகளில் பரபரப்பாக உள்ளார் தமன்.

இதற்கடுத்து தெலுங்கில் ஷங்கர் இயக்கத்தில் ராம் சரண் நடிக்கும் படம், மகேஷ்பாபுவின் 28வது படம் ஆகியவை அவரது இசையில் இந்த வருடத்தின் முக்கிய படங்கள். 'வாரிசு' படத்திற்குப் பிறகு தமிழிலும் அவர் முன்னணிக்கு வருவார் என எதிர்பார்ப்புகள் எழுந்துள்ளது.

• 
  சுவர் ஏறி குதித்து குழந்தையை காப்பாற்றிய திஷா பதானியின் தங்கை : குவியும் ...
• 
  18வது திருமண நாளில் 'பேமிலி' புகைப்படத்தைப் பகிர்ந்த ஐஸ்வர்யா ராய்
• 
  புஷ்பா 2, ஸ்த்ரீ 2-க்குப் பிறகு சாதனை வசூலில் 'சாவா'
• 
  இந்த வாரம் 'ராமாயணா' படப்பிடிப்பில் கலந்து கொள்ளும் யஷ்!
• 
  ஊர்மிளாவுக்கு 50 வயது மாதிரியா தெரிகிறது… !!

• 
  கார்த்திக் சுப்பராஜ், சிவகார்த்திகேயன் புதிய கூட்டணி
• 
  தமன்னாவை ஏமாற்றிய ஒடேலா- 2!
• 
  சமூக வலைதளங்களில் இருந்து மீண்டும் பிரேக் எடுத்த லோகேஷ் கனகராஜ்
• 
  மனைவிகிட்ட சண்டை போட்டுக்கிட்டே இருந்தா வெளியில போய் ஜெயிக்க முடியாது! ...
• 
  டி.ராஜேந்தரின் பாடலை தழுவி உருவாக்கப்பட்ட சூர்யாவின் ரெட்ரோ பட பாடல்!